Kampa Holî de vera tehlukeyê çeteyanê DAÎŞî Hêzanê Asayîşê Zereyî, YPJ û QSDyî Operasyonê Asayîşî dabi destpêkerdene.

Roniştoxanê kampa Holî ra Hîba El Elî û Neda Ebd El Helîm ajansê ma rê qisey kerd.

Hîba El Elî ard ziwan ke beşê ‘El Sûrîyat’î yê kampe de tayê cinîyî kerdişanê nimite û tehlukeyînan kenê û vat: ‘’Ma tayê beşanê na kampe ra tersenê çunke tehlukeyê cidîyî est ê. Hetê bînî ra seke ma yew qalibî de yê bi tedaya DAÎŞî têrî manenê. DAÎŞî ferzê ma keno ke sey ci ma bifikirê.La ma bi nê operasyonî kêfweş bîyî. Çunke ma hem hîsê tenatîye ra xelisîyê hem zî ma fam kerd ke hêzêk est o ke ma tehlukeyan ra do bipawê.’’

Neda Ebd El Helîm vat: ‘’Ma rewşêka rêxistinîya DAÎŞî de mendibî la hinî cinîyî raştîyan vînenê. Hinî DAÎŞ zî sey verê cû hêzdar nîyo. Ma fam kerd ke çîyo ke ma rê yeno vatene zûr o. Nê operasyonî reyde zaf raştîyî eşkera bîyî. Ma fam kerd ke tîya zaf bitehluke yo û no operasyon lazim bi. No hem seba pawitişê ma hem zî seba pawitişê ma girîng o.’’

Cinîyê ke Kampa Holî de manenê wazenê ke abigêrê cuya xo ya normale û wareyanê xo.