Gerîlayanê HPGyî û YJA-Starî yê Herêmanê Pawitişî yê Medya çarçewa Hemleya Şehîde Ronya û Şehîd Bagerî de serra 2019î ercnaye.

Gerîlaya YJA-Starî Rojevîne Vîyan a ke Eylate Avaşînî de gerîlatîye kena vat: "Serra 2019î de zaf cayê Herêmanê Pewitişî yê Medya bi nameyê operayonê Pençe ameyî destpêkerdene. Çarçewa projeyê newe ra awankerdişî de bi metodê taktîkanê neweyan sere de Heftanîn de zaf herêman de derbê pîlî ameyî dayene artêşa TCyî ya îşxalkere ro. Artêşa TCyî bi 'operasyonê pençe' waşt gerîlayî bivisnê mabênê pençeyanê xo û tasfîye bikerê. Labelê gerîlayan ra derbê giranî werdî û kewte mabênê pençeyê gerîlayan. Gerîla bi metod û taktîkê xo 'Operasyonê Pençe' pûç vet.

Gerîlayê HPGyî Rêdûr Tolhildan o ke wextêkê dergî de herêma Zapî de gerîlatîye kerde vat: Zap eyaleto ke artêşa tirke tede zaf operasyonî kerdî. Zap de moralê embazam zaf berz o.Hêzê operasyonî yê artêşa TCyî yê ke dekewenî Zapî heta ke derbanê giranan nêwerê herême ra nêvejîyenî. Serra 2019î bi xoverdayîşêkî pîlî derbaz bîye. Serra 2020î de ma do tecrîdê vera Rayberîya xo wedarê û şarê xo rê bibê cewab. Gerîlayî serra 2020î bikerê serra gama ver bi azadîye. Çarçewa projeyê newe ra awanbîyayîşî de ma do wezîfe û berpirsîyarîya xo bîyarê ca."