Merwan Menduh Ozdemîro ke Silêmanî de vera tecrîdî serê Rayberê Şarê Kurdî Abdullah Ocalanî dest bi rojeyê mergî kerdo, çalakîya ci roja 5’ine de bi qerardarîye dewam kena.

Ozdemîro ke Colemêrgî ra yo, 8 mengî verê cû rîyê zextê sîyasî ra verê xo da Başûrê Kurdistanî.

Ozdemîr wexto ke hîna 18 serrî bi seba ke tewrê çalakîyanê sîyasî bîyo amebi girewtene, xeylî reyan zî amebi destbendkerdene.

Ma do tecrîdî bişinê

Ozdemîrî vat, “Seba têkoşînê vera wedaritişê tecrîdî de ez erey kewta, aye ra zî mi qerarêko winayên girewt. Bawerîye nêmeyê serkewtişî ya. Bi xoverdayîşê 7 hezar girewteyan û heme çalakgeranê ke grevê vêşanîye de yê ma do ser bikewê û tecrîdî bişiknê.”

Bawera ke şarê Başûrî do wayîr bivejîyo

Ozdemîrî vat şarê Başûrî seba azadîye xeylî tekoşîn dayo û vat, “Seba têkoşînî xeylî serkêşî vejîyayê. Şarê Başûrî seba destkerdişanê azadîye baş zaneno kamcîn qerarî bidayo. Şarê başûrî do paştdayîş bido çalakîyanê grevê vêşanîye.”