Koordînasyonê PAJKî derheqê şewatê Îmraliyî de ewro eşkerayîyêke daye.

Eşkerayîya PAJKî wina ya:

''21 serr ê ke şexsê Rayberê ma de vera şarê kurdî, şaranê herême û cinîyan tecrîdêko mutlak yeno kerdene. Ame eşkerakerdene ke Îmrali de ke Rayberê ma û embazê ma tede tepişte yê şewat vejîya.Şewatê Îmraliyî tesadufî nîyo. Rîxmê Girawa Îmraliyî binê kontrolê dewleta tirke de ya û hetê merkezê taybetî yê şerî ra yena îdarekerdene kamî û senî no şewat kerd? Seba ke rewşa weşîye ya Rayberê ma bêra eşkerakerdene ganî cade keye û avûkatê Rayberê ma û CPT Rayberê ma reyde pêvînayîş bikerê. Yew manaya eşkerayîyanê dewleta tirke çin a ke na dewlete bi serran o ke vera şarê ma qirkerdiş kena û nê sîstemê tecrîdî yê faşîstî îdare kena. Coka ganî cade avûkatî şorê Îmrali û rastîyan şarê ma û rayaumûmîye reyde pare bikerê.

Aseno ke dewleta tirke bi provakasyonanê xo yê neweyan Rayber Apo xo rê kerd hedef. Naye ra ma zî ganî bi şîarê ''Bê rayberîye cuye nêbena'' hîsger bibê. Ma vera hêrişanê dewleta tirke amade bibê û çalakîyan bikerê.Partîya ma partîya cinîyan a. Rayberê ma zî ronayoxê na partîye yo. Sey partîyêka cinîyan wezîfeyê ma yo ke ma hesabê hêrişanê vera Rayberîya ma bipersê. Şarê ma, milîtanê ma cara wexto ke xebera şewatî girewt têgêrayî. Nika wext wextê pîlkerdişê çalakîyan o. Heta ke keye û avûkatî Rayberê ma reyde pêvînayîş nêkerê, eşkerayîyêke nêkerê cinî, ciwan, şar û dostê ma wa meydanan terk nêkerê. Şarê ma wa her ca de seferber bibo û heta ke avûkatan ra rastîye nêeşnawo meydanan terk nêkero.''