Parlamenterê HDP’yî Dersim Dage, Tayyîp Temel û Mûrat Sarisaç yê ke banê Partîya Şaran a Demokratîke (HDP) de semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de bî, 26’ê Gulane de bi vengdayîşê Ocalanî çalakîya xo qedînayebî û heman rojê semedê tedawîkerişî sewqê nêweşxaneyî bibî. Parlamenterî ewro nêweşxane ra vejîyayî.

Ame zanayene ke Leyla Guvena ke çalakîya xo roja 200’ine de qedînaye û hemen nêweşxane de beşe nêweşîya girane  de ameyêne tepiştene, tedawîya ci  nika servîso normal de yena kerdene.

14 çalakgerê grevê vêşanîye ke Amed û bajaranê derûdorê ra beşanê cîya cîyayan ê heman nêweşxaneyî de ameyêne tedawîkedene înan ra 10 kesî nêweşxane ra vejîyayî. Gurbet Ektîrene, Mahsûn Şen, Sedat Akin û Halef Yîgît ê  ke çakakîya înan roja 100’ine ra ravêrtibî, tedawîya înan hema dewam kena.