Partîya Însan û Azadîye eşkerayîya nuştekîye da û bale ante tehlukeyê şerê zereyî yê kurdan ser.

Eşkerayîya Partîye wina ya:

''Hêzê ke wazenê pê înkar û operasyonan kurdan îmha bikerê ke nika zî wazenê ke kurdan yewbînan ra cîya bikerê. Ganî ma hîşyar bibê û nê kayan pûç bikerê. Nê prosesî de seba şerê zereyî tehamul çin o ke no şer têna zerar dano şarê kurdî. Ça de beno wa bibo destkewteyê kurdan ê pêro kurdan ê. Pawitişê nê destkewteyan wezîfeyê her kesî yo. Ganî pêro hêzanê kurdan pê hîşmendîye têbigêrê.

Nê wextî de yewîya neteweyîye hînî bîya meseleya estbîyayîşî û çinbîyayîşî. Alozî û nakokîyê mabênê kurdan ganî pê haştî û bêgonî bêrê çareserkerdene. Ganî alîm û zanyarê ma, şêx û rîsipîyê ma, sîyasetmedar û maldarê ma, her kes nê barî bigêro xo milî. Ganî terefanê cîyayan rê veng bêro dayene û gamê mumkînî bêrê eştene.''