Pasûr de qezayê trafîkî: Kesêk merd, 4 birîndarî
Qezaya Pasûrî ya Amedî de netîceya qelibîyayîşê wesayîtêkî de qezayê trafîkî qewimîya. Qeza de kesêk merd, 4 kesî zî birîndar bîyî.
Taxa Eskarî ya qezaya Pasûrî ya Amedî de ramitox Tahsîn Eren nêeşkîya wesayîtê xo kontrol bikero û wesayîtê bi tîpê pîkapî leyr bi û qelibîya. Qeza de 5 kesî birîndar bîyî. Birîndarî mudaxeleyê verênî ra dima pê ambulansî wedarîyayî Nêweşxaneyê Dewlete tê Dr. Abdullah Bîrogulî.
Ramitox Tahsîn Eren nêweşxane de rixmê pêro xîretan dinyaya xo bedilnaye. Weşkerdişê 4 birîndaran zî nêweşxaneyanê Pasûr û Amedî de dewam keno.
