Fermandaranê HPGyî ra Serhat Jîyan Patnosî çarçewa Hemleya Şehîd Rizgar Geverî û Şehîde Medya Mawa de herêma Botanî de têkoşînê gerîlayan ê serra 2019î ercna.

Serhat Jîyan Patnosî vat: "Botan warê şorişê Kurdîstanî yo. Gerîlatîya Botanî seba ma rûmet o. Warê Botanî çêrê sey Egîd, Azîme, Nûda, Ferhat û zaf fermandarî pîl kerdî. Dişmenî her tim wazenê ke herêma Botanî de gerîlayanê Botanî tasfîye bikê. Serra 2018î de şefê faşîstî û barbarî, Wezîrê Karanê Zereyî yê Tirkîya vatêne 'Serra 2018î ma do gerîlayan Botan ra pakî bikerê. Ma do înan tasfîye bikerê, êyê ke mendî zî vêşanîye ra û serdî ra do tasfîye bibê.' Xora no nêaame caardene. Gerîlayanê Kurdîstanî mîyanê şert û mercanê giranan ê xoverdayîşê 2018î pîlêr kerd û dest pê serra 20193i kerd. Wisarê 2019î de artêşa tirke ya îşxalkere Gabarî ra heta Cûdî, Cûdî ra heta Besta, Kela Memî û Katoyan zaf operasyonî kerdî. Bi taybetî herêma Besta de operasyonî qet nêqedîyayî. Gerîlayî nê operasyonan de bê vîndîkerdişêkî derbê pîlî dayî artêşa tirke ro.''

Patnosî wina dewam kerd: ''Herêma Botanî de ke rêxistinbîyayîş, coş û kelecanê partîbîyayîşî estê moralê gerîlayan berz o. Gerîlayî bi asta berze ya moralî û motîvasyonî derbanê pîlan danê dişmenan ro. Artêşa TCyî ya îşxalkere qereqolanê xo sey kelayan virazena, bi taybetî sîstemê xo yê binê erdî xurt kena. Çunke gerîlayan ra tersena. Dewlete medyaya xo de mojnena ke ê ser kewenê labelê vejîyayîşê artêşe yê operasyonan seba gerîlayan qet dezavantajêk nêbî, bî avantajêk. Operasyonê artêşa tirke seba gerîlayan bîyî firsendê pirodayîşî. Her eyalete de bi projeyê newe ra awanbîyayîşî derbê pîlî dişmenan ro ameyî dayene. Hêzêk çin o ke bieşko xo taktîk û metodanê neweyan ê gerîlayab bixelisno. Çarçewa projeyê newe ra awanbîyayîşî yê gerîlayan de teknîk û îstîxbaratê artêşa tirke ya îşxalkere ameye şiknayene ke pê xo zaf bawer bîye. Senî ke fîşêko yewîn Botan de ame teqînayene ma bi îdîa û qerardar ê ke serra 2020î de zî ma do derbanê serkewteyan bi rayberîya warê Botanî  bidê dişemî ro."