Hetkarê Fermandarîya Hêzanê Pawitişê Hewayî ya Herêma Vakurê Iraqî Rûkan Abdulselam Hemûdîyî derheqê warvistişê dronê bêmerdiman ê dewleta tirke de eşkerayîye daye. 

Rûkan Ebdulselamî da zanayene ke dronêkê bêmerdiman ê dewleta tirke ya îşxalkere wexto ke bajarekê Çîmenî yê Kerkûkî de hêriş kerdêne bi fermanê Fermandarê Hêzanê Pawitişê Hewayî yê Iraqî dîyayo warvistene.

Dima ke dîmenê warvistişê dronî weşanîyayî dewleta tirke neçare mende ke eşkerayîye bida. Dewleta îşxalkere îtîraf kerd ke dronê ci yê bi modelê Aksungurî vera PKKyî amadekarîya hêrişî kerdêne.