Rêxistina Tîmanê Awankerdişê Haştîya Komelkî ya Amerîka (CPT) derheqê 8 tepişteyanê Şêladizê de eşkerayîyêka nuştekîye weşanaye. 

CPTyî vist vîrî ke 5 tepişteyê Şêladizê Kovan Tariq, Yusuf Şerîf, Nêçîr Bedîh, Mehmud Nacî û Ehmced Rêkanî qaşo menga hezîrane de biameyêne veradayene la vera nêdîyayî, derheqê weşîyanê înan de agahîyêke zî nêna girewtene.

CPTyî îfade kerd ke ê derheqê weşîya 5 tepişteyan de qerqilîyenê.

Aktîvîstî 19 mengî yo tepişte yê. Mehkemeya înan 16ê gulana 2022yî de bîye. Heyetê mehkeme bi sûcdarîya 'hetkarîya PKKyî, ronîyayîşê rêxistina çekdare û rêxistinkerdişê nawnayîşî'  cezaya zîndanî ya 2 serran daye her yew tepişteyî.

Dozgerî waştbi ke aktîvîstî pê şertê kontrolê edlîyî bêrê veradayene. Tepişteyî qaşo menga hezîrane de biameyêne veradayene la vera nêdîyayî.