Warê Girê Ortê yê Metîna de PDK seba artêşa tirke ya îşxalkere baregeh û stargehan awan keno ke artêşa tirke wazena tede ca biba.

Artêşa tirke ya îşxalkere 17ê nîsana 2022yî de vera Zap, Metîna û Avaşînî hêrişê îşxalî dabî destpêkerdene. Vera hêrişanê îşxalî xoverdayîşê gerîlayan dewam keno. Nê hêrişan de xayînîya PDKyî reyna eşkera bîye.

Warê Girê Ortê de hêzê PDKyî pê wesayîtanê zirxînan pê kepçe û greyderan xebatan kenê. No xîretê PDKyî ame qeydkerdene.

Nê girî de  artêşa tirke xîret kena ke yewinanê xo yê nimiteyan ca bikera. Eşkera bi ke yewinê nimiteyî seba ke hêrişê gerîlayan bikerê hetê hêzanê PDKyî ra pawîyenê.

No war qezaya Kanî Masî de yo û leşkeranê tirkan verî zî xîret kerdbi ke nê warî îşxal bikerê. Leşkerê tirkî zaf reyî bîyî hedefê gerîlayan la nêeşkabî war de ca bibê. Coka PDK kewtbi dewre. Yewinê nimiteyî yê artêşa tirke ya îşxalkere serkêşîya PDKyî de binê alaya Herêma Kurdîstanê Federtî de ameybî pawitene.