Goreyê xebera Rojnewsî PDKyî hêzêkê xo erşawit erdê Ranya-Rewanduzî û uca de baregehanê leşkerîyan virazeno. Ame parekerdene ke nê hêzî  Girê Simore û Girê Tuşreke yê Rewanduzî de  dest pê viraştişê baregehan kerd.

Na herême nêzdîyê wareyanê Sêwek, Zîn, Bêrêş û Karoxê yê ke sey warê gerîla zanîyeno. Yeno vatene ke PDK bi nê hawayî xîret keno ke dormeyê herêmanê gerîlayan bigêro.

30-31ê teşrîna verêne de zî PDKyî hêzê Zerevanî û pêşmergeyê 'Roje' erşawitbî waranê Bêxme, Henare û Xelan ê Gelîya Elî Begî.

Yeno vatene ke PDK koyê Korek û Gorsî de zî do hêzanê xo ca bikero.

PDKyî vizêr zî hêzêkê çekdaran derbazê dewa Gerewanî kerdbi.