Vizêr Mehkemeya Hewlêrî bi sûcdarîya 'sextekarîye' cezaya zîndanî ya 4 serran dabî rojnameger Şêrwan Şêrwanî ke 'tepişteyanê Behdînanî' ra yew bi. 

Avûkatê Şêrwanîyî Remezan Hertîzîyî derheqê bira mehkeme de vat ke ceza goreyê qanûnan raşt nîya.

Embazê Şêrwanîyî û rojnameger Umêr Beroşkîyî zî derheqê bire de qisey kerdbi û vatbi: ''Na bire bira Serekê Herêma Kurdîstanî Mesrûr Barzanîyî ya. Pê fikr û ferasetê leşkerî welat îdare nêbeno. Na bira ceza vera tewirê Behdînanî dîyaya. Ganî ma vera na bire tewirê xo bimojnê.''

Nê qiseyanê xo ra dima Umêd Beroşkî vizêr şewe ame remnayene.

Temsîlkarê Tepişteyanê Behdînanî Ayhan Seîdî da zanayene ke vizêr şewe rojnameger Umêd Beroşkî Dihok de hetê hêzanê PDKyî ra ameyo remnayene.