Operasyonê îşxalkerdişî yo ke artêşa Tirkî ya îşxalkare vera Başrûrê Kurdistanî rayra bena de vizêr 15 leşkerî ameyî kiştene û 15 zî birîndar bîyî.

Madyaya Tirkî xebara ke goreyê Wezaretê Pawitîşî serwîs kerde, vatbi ke ‘Harekatê Pençe’ de 3 leşkerî ameyî kiştene. La goreyê çimeyanê cayîyan pêkewtişê Heftanînî de tewr tay 15 leşkerî ameyî kiştene û 15 zî birîndar bîyî. Merkezê Çapemenî û Îrtîbatî yê HPG’yî hema derheqê detayanê pêkewtişî de eşkerayîyêk nedaye.