Ame zanaye ke qezaya Pêrtegî ya Dêrsimî de xeylêk domanê lajê ke serrê înan mabênê 11-16 ê înan rê îstîsmaro cînsî ameyo kerdene. Çarçeweya cipersayîşî de kesêk ame destbendkerdene.

Cipersayîşo ke hetê Serdozgerîya Komare ya Pêrtegî ra yeno kerdene de qerarê nimitîye ame girewtene. Ame zanayene ke Mektebê Mîyanênî yê Komare, Lîseya Anadolu û Lîseya Zeynel Erolî ra xeylêk domanî semedê îfadedayîşî ameyî berdene Mudirîya Asayîşî ya Qeza.

Avukatanê Baroyê Dêrsimî yê ke waştê derheqê babete de zanayîş bîgêrê bi bahaneyê ‘nimitîye‘ zanayîş nêdîya înan. Yeno pawitene ke Platformê Cinîyan ê Dêrsimî ewro derheqê babete de eşkerayîyêk bido.