Hêzanê Pawitişê Şarî yê Fermandarîya Wareyê Zagrosî yewîyê gerîlayanê ke Avaşîn de vera artêşa Tirk çalakîye viraşta, pîroz kerdî.

Peyamo ke seba Fermandarîya Eyaletê Avaşînî ameyo şawitene wina yo: “Hetê hêzanê ma yê eyaletî ra, vera eskeranê ke rayîrê Govendê yo ke eskerî Neqebê Granî ra seba asayîşî şinê Tepê Xwedê, 24'ê Gulane saete 10.30 de bi çarçewaya Hemleya Şorişgêre ya Şehîd Bager û Şehîde Ronya, çalakîya dafike viraşte û çalakîya pirodayîşî û sereştişî dişmenî de, netîceyêko serkewte ameyo girewtene. Seba nê serkewtişê muhîmî sere de hevalê ke tewrê çalakîye bîyê, fermandaran û heme hevalê ke keda înan na çalakîye de esta pîroz kenê. Cayo ke hêzê dişmenî zêde yê û xo zaf mîyanê biasayîşî de vîneno de, bi roj, bi sebrêko gird şima vinetê û çalakîya xo bi netîceyêko serkewte, wedaritişê çekan ê serê dişmenî û cayêko winayên o ke dişmen teknîko zêdê bi kar ano de bi tewirê afernayîş ê profesyonelî yê gerîla çinkerdiş înan û bê zirar apey ancîyayîşê şima serkewtişêko muhîm o. Na çalakîya şima eynî wext de sey minûnêkê pratîkî yê afernayîşî yê bi formatê neweyî yê gerîlayan o.

Na çalakîya ke şima viraşta, bîye cewabê gerîlayan ê vera dişmenî yo ke nê prosesî de vera dayîkanê ma, cinîyan ê Kurdan ê fedakaran, qehraman û xoverdayoxan. Nê bingeyî ser o, çarçewaya Hemleya Şorişgêre ya Şehîd Bager û Şehîd Ronya ya ke derbê giranî dayê artêşa Tirkî ya îşxalkare ro, serkewtişo gird şima hemeyan rê wazenê, bi heskerdiş û hûrmet heme hevalanê ke eyalet de yê silam kenê.”