Çalakîyê gerîlayanê HPG û YJA-Starî warê Avaşînî de her roje pê metod û taktîkanê vera artêşa tirke ya îşxalkere dewam kenê. Gerîlayî hetêkî ra tunelanê şerî de xo ver danê  hetêkê bînî ra zî her roje derban danê artêşa tirke ro. Gerîlayê ke çalakîyan ra dima weş û war agêrenê Avaşînî têgêrayîşê artêşa tirke ya dimayê çalakîye zî qeyd kenê.

Çalakîya Werxelê ya 18ê temmuza 2021î zî hetê gerîlayan ra ameye qeydkerdene. Dîmenan de aseno ke guleyan ra dima verî leşker cephe û malzemeyanê xo verdenê remenê. Na çalakîye de 5 leşkerî kişîyabî. Leşkerê ke pê gerîlayan nêeşkayî qereqolanê serê sînorî ra hetkarîye wazenê û dima erazî pê obus û hawanan danê bombayan ver.

Binê bombardumanî de wina yeno vatene: ''Artêşa tirke ya îşxalkere tersî ra herêma Banîsta dana obus û hawanan ver. Leşkerê ke tersenê nêzanenê çita bikerê. Nika zî qereqolê serê sînorî ra obusan erzenê. Embazanê ma çend deqayî verî çalakîyêka profesyonel kerde û weş û war agêrayî warê xo. Nika zî leşkerê tirkî semedo ke erazî bivêşna hêriş kena. Seke dîyeno înan netîceyêke nêviste destî.''