Embazanê xo wextêkê dergî nêdibi. Embazê ci seba seba wezîfeyêk kewtbî rayîrêkê dûr û dergî. Seba ke embazê xo bivînê tay vindert. Des deqayî verê cû cîhazî ra xebere dabi ke wa bêrê. Gerîla Hawarî zî seba embazanê xo çayê gerîlayan da adirî ser. Goreyê gerîla Hawar merdimî nêeşkenê tamê çayê gerîlayan ra mird bibê, pendir û nanê gerîlayan zî menuyo tewr weş o.

Gerîla Hawar pabeyê embazanê xo bi. Wexto ke embazê ci ameyî selamêko germ dabi yewbînan û dormeyê adirî de kom bîyî. Embazan dest pê xoşebere kerdbi. Wextêkê dergî ra nata yewbînî nêdibî. Embazan waşt ke hîkayeya tewrbîyayîşê Hawarî goştarî bikerê. Hawarî zî dest pê hîkayeya xo kerd: ''O çax Şorişê Rojawanî tesîrê cuye kerdêne, dem bi dem bîyêne pîl. Ez, embaz Botan, embaz Çalak, embaz Bêkes ma çar kesî grûbêke bîyî. Rojêke ma roniştebî embaz Bahozî vat ke o wazeno tewrê Şorişê Rojawanî bibo. Ma zî şaş mendî. Çunke ma ne Şorişê Rojawanî ne zî Têkoşînê Azadîye yê Kurdîstanî nêşinasnayêne. Ma nêzanayêne ke PJAK, PKK çi yo û Kurdîstan çira çar parçe yo. Embaz Bahozî ma rê vat ke ma zî tewrê şorişî bibê. Çend rojan ra dima embaz Bahozî werte ra çinbi. Ma dima pê hesîyayî ke tewrê şorîşî bîyo. Bêguman a rewşe ez nêeşkîyayêne tewrê sîstemê cuye biba. Armancê mi estbî. Coka ez zî embazanê xo yê bînan reyde tewrê şorişî bîya. Dima ez musaya ke ê embazê mi yê ke ez peyê înan de tewrê şorişî bîya pêro şehîd bîyî. Ez nika seba înan zî pê pêro hêzê xo têkoşînê xo dewam kena.''

Embazanê ey ci rê persa vat: ''Sena ke ciwanî nêkewa dafika dişmenan ma se bikerê?'' Gerîla Hawarî peynîya xoşebera xo de seba ciwananê rojhelatî wina vat: ''Ez wazena ciwanan rê vaja ke pê kayê dişmenan nêxapîyê. Wa PJAK, têgêrayîşê Serekatî ci bigêrê û nas bikerê û dima tercîhê xo bikerê. Seba ke alaya embazanê xo berz bikera ez do heta peynîye têkoşîn de ca bigêra.''

Xoşebere ra dima embaz Hawarî embazanê xo rê çay dekerd şûşeyanê înan. Dima nan û pendir werdî. Gerîla Hawarî embazanê xo rê vengê gerîla Berwarî reyde erbane da piro. Deyîran ra dima embazan ci ra xatirê xo waşt û şîyî. Gerîla Hawarî zî pê çeke û erbaneya xo raywanîya xo dewam kerde.