Taxa Xaçortî ya Wanî de Yusuf Bpr wexto ke zîndan de cinîya xo Behîcane Bpr zîyaret kerd derheqê ci de tehqîqat dîya destpêkerdene û 3 serran û 9 mengan zîndan de mend. Boro ke nêweşê tansîyonî de dima ke kewt zîndan  kewtbi zîndan destûr nêdîya ci ke tedawîya çimanê ci dewam bikera. Bor zîndan de se ra 94 kor bi. Bor 10ê teşrîna peyêne ya 2019î de vera dîya û gerreyê zîndanî kerd.

Borî vat: ''Zîndan de mi seba tedawîya xo zaf muracat kerd ke înan ez nêberda nêweşxane.Mi dozgerîye rê vat ke ê mi rê zulm kenê. Mi zaf îfade da, xo ver da. Heta ke înan waştişnameyê mi qebul kerd ez bîya kor.''

Bor dima ke zîndan ra vejîya şi Îstanbul la reyna nêame tedawîkerdene. Bor serra 1994î de zî amebi destbendkerdene û 20 rojan îşkence dî. Borî vat: ''Ma dewaya şarê xo, embazanê xo, partîya xo pawenê. Pêro nêweşan rê zîndan de no zulm yeno kerdene.''

Behîcane Bor zî venga pêro welatperweran da ke tedawîya mêrdeyê ci wa bêra kerdene û pêro tepişteyê nêweşî bêrê veradayene.