Hemserekîya Konseya Rayberdişî ya KCK’yî derheqê îşxalkarîya Tirkî ya serê Vakur û Rojakewtena Sûrîye  û peymana ke ameye kerdene de eşkerayîyek daye.

Eşkerayîya KCK’yî wina ya:

“Herêmê ke nika bîyê hedefe hêrişî verê nê hêrişanê îşxalkarîye herêmê tewr asayêşênî û haştîyaneyî yê Sûrîye bîyî. Seba naye seba asayîşî û haştîye ganî hêzê îşxalkarî qetî xo peyser biancê. Dimayê pêvînayîşê mabênê heyetanê DYA û dewleta Tirkî de bi hewayêkê zelalî nêame famkerdene ke, ame waştene ke hêzê QSD’yî xo peyser biancê ke no yeno meneya meşrûkerdişê îşxalî. Naye ra peymana ke hetê DYA ra ameye eşkerakerdene, ne hetê adirbirnayîşî ra ne hetê exlaqî ra ne zî hetê sîyasî ra meşru nîya.Hêzanê şerê gemarinî y ê îqtîdarê faşîstî yê AKP-MHP’yî dimayê adirbirnayîşî zî hêrişanê xo rê dewam kerd. Ganî şarê Vakur û Rojakewtena Sûrîye, pêroyê şarê cîhanî û rayaumûmîya demokratîke tawirê xo yê xoverdayîşî sist nêkerê, heta ke îşxalkarî Vakur û Rojaketena Sûrîye bi temamî terk nêkerê ganî têkoşînê xo rê dewam bikerê û bibê wesîle ke gamê nê hewayî bêrê eştene do hîna menedar bibo.

Bi hêrişanê îşxalkarîye reyna eşkera bîyo ke dewleta Tirkî hêrişê yewbîyayeyî yê erde Sûrîye kena. Dewleta Tirkî wazena bi rayîrê îşxalî Sûrîye newe ra saz bike. Bêguman ganî şarê cîhanî verba Tirkîya tawirêk bimojnê û seba caardişê yewîya Sûrîye ya Demokratîke pê demokrasî û haştîye tê bigêrê. Eke adirbirnayîşo ke ame parekerdene, xîret biko ke îşxalkarîye biqedne û hêzê îşxalkaran bi temamî bêrê peyserancîyayene, o çax reseno armancê xo. Coka zaf girîng o ke şarê cîhanî, rayaumûmîya demokratîke, hêzê sîyasî, Yewîya Ereban wurzê payan ser. Ma veng dane pêroyê hezanê ke têkoşîn xurt bikê. Xoverdayîşo birûmet ê şarê Vakur û Rojakewtena Sûrîye û QSD’yî yê verba hêrişanê giranan, kerd ke adirbirnayîşêkê bi nê hewayî bêro parekerdene. Ma pê bawer ê ke bi xoverdayîşî ma peynîyê îşxalkarîye bîyarê, bingeyê Vakur û Rojakewtena Sûrîye ya Demokratîke de yewîya demokratik a Sûrîye saz bikerê, ma şehîdanê fedayîyan ê xoverdayîşî bi rêzdarî yad kene û têkoşînê înan rê serkewtiş wazenê.”