Pîwîya Nîkulsûre Bismil de ameye dîyene
Pîwîya Nîkolsûra ke semedo ke awa gelîya Dicle rîyê awbendî ra bena berz cuya ci binê tehlûkeyî de bîye û mîlçika bêhempa ya Mezopotamyaya Core ya, herêma Ambarî ya qezaya Bismilî de ameye dîyene.
Her çiqas ci rê çend nêrazîbîyayîşî ameyî mojnayene zî, semedê viraştişê awbendê İlisu ra awa Dicle bena berz û awbend cuyê zafê candeyî erzeno binê tehlukeyî. Mîlçika Pîwîya Nîkulsre zî nê candeyan ra yew a ke tewira mîlçikêk a bêhempa ya.
Pîwîya Nîkulsere exlebî Mezopotamyaya Core de ciwîyena û Rojakewtena Asya de, Kurdistan de û Hindîstan de yena dîyene. Pîwîya Nikulsûre tewr verêne hetê fotografkêş Dûrzan Cîranoyî ra ameye antene. Serra 2011 ra dima Dûrzanî hewteyanê peyênan de herêma Amberî ya Bismilî de fotografê Pîwîya Nîkolsûre reyna ante. Cîranoyî îfade kerd ke "Wexto ke mi reyna fotografê ci ant, ez bi kelecanêko serra 2011 bîya pirr. La ez zaf xemgîn bîya ke mi na mîlçike tîya de dîye, çunke awe bena berz û beno ke cuya ci binê tehlûkeyî de ya. Ganî naye bêra cigêrayene û cuya ci bêra pawitene."
