Partîya Cuya Azade ya Kurdîstanî (PJAK) derheqê şorişo ke Îran û Rojhelatê Kurdîstanî de qewimîyeno, de deklarasyonêk da.

Deklarasyon wina yo:

''Şorişê şaranê Îranî û Rojhelatê Kurdîstanî mengêke xo pey da verda. Ganî hînî cewabê zelalî bêrê dayene ke şorişî ra dima xo çi bibo. Partî, hêzê sîyasî û komel pêro astengîyanê verê şorişî wa wedarnê,  fikran û tewirê xo bi zelalî eşkera bikerê û tewiranê şaran esas bigêrê.

Ma bire daye ke tewir, pêşnîyaz û ernayîşanê xo yê serê şorişî çarçewa 'yewîye' de reyna eşkera bikerê. Nê esasî ser o tewirê ma yê seba şaranê Îran û Rojhelatê Kurdîstanî wina yo:

-Wa astengîyê verê cinîyan wedarîyê, azadîya cinîyan bêra pawitene, komel nê esasî ser o bêro perwerdekerdene.

-Wa verê têgêrayîşanê nîjadperest, neteweperwer, mezhebperwer û dînperestan bêro girewtene û vera nînan têkoşîn bêro kerdene.

-Wa têkoşîn serê esasê 'xoîdarekerdişî' de bêro berzkerdene.

-Esasanê demokrasî, cuya, azade, kultur û tradîsyonan ê pêro herêman de sîstemê perwerdeyî bêro dayene.

-Vera şîdetê rejîmê Îranî têkoşîn bêro kerdene, ekolojî û xoza bêrê pawitene.

-Seba heqanê pêro netewe, şar, dîn, mezheb û beşanê komelî têkoşîn bêro kerdene û tim wa azadîye bêra esaskerdene.

-Pêro hêzî û platformê şarî wa vera rejîmê teokratîkî xoverdayîşê xoîdarekerdişî bikerê.

-Seba bihêzkerdişê serewedaritişê şarî û şorişî wa komîte û meclîsî bêrê awankerdene.

Derheqê xoverdayîşê şarê kurdî de;

-Kurdîstan de xoverdayîş wa pêro nasname, kultur, tradîsyon, ziwan û dînan bêro kerdene.

-Cinîyî wa bêşert û bêbahane wa serkêşîya şorişê şarê kurdî bikerê.

-Wa sîstemê xoîdarekerdişî bêro averberdene û serdestîya ziwanêk yan zî yê dînêkî bêra redkerdene.

PJAK çarçewa nê madeyan de dûştê hişmendîyêka yew ala û sembolî ya. PJAK heta ke kongreya neteweyîye bêra kerdene alaya Komara Kurdîstanî (Mehabad) sey alaya neteweyîye qebul keno.''