Komîteya Rayberdişî ya PKKyî şehadetê Endamê Îdareyê Komalgehê Demokratîkî û Azadî yê Rojhelatê Kurdîstanî (KODAR) û Partîya Cuya Azade ya Kurdîstanî (PJAK) Rêzan Cawîdî ser o eşkerayîyêke daye.

Komîte dîyar kerd ke ê pê dejî pê hesîyayê ke Cawîdo ke Qamişlo de meyman bibi, hetê dorneyê çekdarî yê dewleta tirke ra ameyo qetilkerdene. Komîte vat: ''Ma nê şehîdê xo yê ercîyayeyî bi minetî yad kenê; dejê embaz, keye û şarê ma yê Rojhelatî pare kenê. Ma pê bawer ê ke ciwanê kurdî û şarê kurdî do têkoşînê azadîye de tim wayîrê Rêzan Cavîdî vejîyê.

Dima ke Hetkarê Hemserekanê Meclîsê Rayberdişî yê Îdareyê Xoserî yê Rojawanî Ferhat Dêrikî Başûr de hetê dewleta tirke ra amebi qetilkerdene, Endamê Koordînasyonê KODARî Rêzan Cavîd zî Rojawan de hetê dewleta tirke ra ame qetilkerdene. No zî mojneno ke dewleta tirke û îdareyê ci yo faşîst hukmatê AKP-MHPyî dişmenê pêro kurdan ê û wazenê pêro kurdan qetil bikerê. Coka kurdî mecbur ê ke bibê yew, bibê wayîrê dostanê demokratîkan, vera dewleta tirke ya îşxalkere û faşîzmê AKP-MHPyî têkoşînê hemparî bikerê. Wa çew xeta û hesabanê şaşan nêkero, nêbo şirîkê qirkerdişê dewleta tirke. Kurdî ganî bi yewîya neteweyîye vera qirkerdişanê dewleta tirke têkoşînê azadîye yê Kurdîstanî xurtêr bikerê.

Nê esasî ser o ma Şehîd Rêzan Cawîdî bi minet û rêzî yad kenê, sere de ciwanê Rojawanê Kurdîstanî venga pêro ciwanan danê ke beşdarê têkoşînê ma yê azadîye bibê û qesasê Rêzan Cawîdî û pêro şehîdanê Kurdîstanî bigêrê.''