Endamê Komîteya Perwerdeyî ya PKK'yî Orhan Kendalî  derheqê faalîyetanê perwerdeyî yê PKK’yî de qisey kerd. Kendalî vat PKK roja verêne ra hem xo hem zî şarê xo perwerde keno.

Orhan Kendalî vat: ‘’Mezgê  zanayê ke persenê, îdarekerdişê înan çetin o. Coka sîstemê dewlete hema serranê qijan de domanî/e keyeyî ra gena, cimatî ra qerfnena û goreyê menfaatê dewlete resnena. Wina nesîlê ke verê dewlete de milê xo çewt kenê yenê resnayene. Dewlete semedê zanayekerdiş û azadkerdişê cimatî perwerde nêkena. Dibistan û unîversîteyî semedê dewlete merdim resnenê. Amance perwerdeyê cimatkî zî her wereyî de merdimo azad biaferno.’’

PKK’yî Şarê Kurdî Wela Ci ra Newe ra Aferna

Kendalî wina dewam kerd: ‘’Felsefeyê ronayîşê dewleta Tirkî înkar û îmhayê Kurdan ser ra yeno rayraberdene. Vera Kurdan qirkerdişî yenê kerdene. Kurdan ser o tim qirkerdişê kulturkî, yanî aslîmîlasyon bica anê. Wazenê ke şarê Kurdî qoqê ci ra bikerê û bêhafiza biverdê. Dewleta Tirkî bi qirkeridşanê fîzîkî û kulturkî şarê Kurdî nasname, ziwan, kultur,tarîx û ercanê înan ra fînayî dûrî. Rayber Apo naye sey’ Kurdo ke xo rê xîyanet mekerê nêmend’ name keno. PKK wina yew zemîn de vejîya werte û dest bi mucadeleyî kerd. No xo rê xerîbbîyayîş tena bi perwerdeyêkê bihêzî eşkayêne çareser bibo. kolonyalîzmî tena Kurdistan îşxal nêkerd heman wextî de û hîna bitehluke mezgî zî îşxal kerdî. Semedê peynîardişê kolonyalîzmî û îşxalî sere de ganî qereqolê ke mezgê merdimê Kurdî de yê biameyêne rijnayene. Şorişê Kurdistanî yo ke PKK ci rê rayberîye keno tena hetê sîyasî û eskerî ra semedê xelisyayîşê neteweyîyî  mucadele nêdano.

PKK vurîyayîşo cimatkî esas girewt. Înan ke şorişo ke vurîyayîşo cimatkî tede çîno kerd, serran ra dima helîyayî û vila bîyî. Şorişê ma de çîyo ke ganî bêro rijnayene rijneno û çîyo ke hewce keno hîna zaf awan keno. PKK seke vejîyo werte semedê perwerdekerişê xo û şarê xo xebityeno. Mucadeleyê perwerdekerdişî yê PKK’yî şarêkê merdeyî ra şarêkê şorişî rê rayberîye keno aferna. PKK’yî şarê Kurdî wela ci ra newe ra aferna. Şaro ke mîyanê dêsanê tersî de amebi hepskerdene ra şaro ke sînoran nas nêkeno destanê qehramanîye nusene ame afernayene. Nê heme xeyrê perwerde û hewldayîşê bêhempa yê Rayberîya ma bîyê.’’

PKK Têgêrayîşê Ganîbîyayîş û Xelisyayîşî yo

Endamê Komîteya Perwerdeyî ya PKK'yî Orhan Kendalî qiseykerdişê xo wina qedîna:  ‘’PKK têgêrayîşê xo rê agêrayîş o, têgêrayîşê bi qoqanê xo têhetameyîş û qoqanê xo ra newe ra afernayîş o. Têgêrayîşê ganîbîyayîş û xelisyayîşî yo. amancê perwerdeyê ma bi heqîqîtî têhetameyîş û têhetardiş o. Merdim û cimatê ke xo ra zanê û nas kenê koletîye qebûl nêkenê. Ma zî bi nê perwerdeyan  hewl danê ke xo bizanê û fam bikerê. Cayê ciwanîye kolebîyayîşê îqtîdarî nêyo. Ez bawer kena ke ciwanî zî na rewşe qebûl nêkanê û verê xo dana sefanê azadîye.’’