Komîteya Rayberdişî ya PKKyî bi wesîleya serrgêra 10. ya Qirkerdişê Parisî eşkerayîya nuştekîye daye û nê pare kerdî:

''Ma serrgêra desine ya şehadetê înan de hîrê cinîyan ê kurdan ê şorişgêran û hîrê şervananê azadîye hemrayan Sara (Sakîne Cansiz), Rojbîne (Fîdane Dogan),  û Ronahî ( Leyla Şaylemez) pê heskerdiş, hurmet û mînetî yad kenê û sozê serekwtişî newe kenê.

Seba ke rixmê des serran hema sûcdarê raştî nêameyî muhakemekerdene û kiştoxan ra hesab nêameyo persayene, ma Fransa şermezar kenê. Nê semedî ra des serrî cuwa pê sey qirkerdişê verênî yewna qirkerdiş ame kerdene. Reyna hîrê kurdê şorişgêrî ameyî qetilkerdene. Ma veng danê Fransa ke wa wird qirkerdişanê Parisî ke mîyanê des serran de hetê eynî hêzan ra ameyî kerdene roşnî bikero û kiştoxan ra hesab biperso. Ganî roşnvîr, nuştox, hunermendî û hêzê sosyalîst û demokratîkî û kedkar û karkerî, cinî û ciwanî yê Parisî  paştî bidê têkoşînê kurdan û semedê roşnîkerdişê qirkerdişan û muhakemekerdişê kiştoxan bigurîyê. Wa wina bibo ke cinî û camêr de kurdan ê ke vera çeteyanê DAÎŞî şer kenê ,wa Fransa de merê qetilkerdene.

Eşkera yo ke nê des serran de sere de cinîyê kurdan şarê kurdî û dostê ci qet nêvindetî, wayîrê şehîdanê 9ê Çeleyî vejîyayî û seba ke qirkerdiş bêro roşnîkerdene û kiştoxî bêrê muhakemekerdene pê heme hêzê xo gurîyayî. Hemrayî Sara, Rojbîne û Ronahî kerdî beyraqe û cehd kerd ke Têkoşînê Azadîye yê Kurdîstanî û Şorişê Azadîye yê Cinîyan heme dinya rê vila bikerê. Inkey serra desine ya qirkerdişî de netîceya cehdkerdişê tarîxîyî werte de ya. Qirkerdiş ameyo roşnîkerdene û kiştoxî ameyî teşhîrkerdene û hesab ameyo pesayene. Rixmê astengkerdişê dewleta tirke û îqtîdarê ci yê faşîstî têkoşînê kurdan û şorişê cinîyan dinya de vila bîyo. Wina qeyde hêvîya kiştoxan şikîyaye û hesabê înan xeripîyayî.Slogana Jin Jîyan Azadî ya ke hetê Rayber Abdullah Ocalanî ra ameye averberdene bîye slogana bigeyî ya şorişanê seserra 21ine.

Dewleta tirke ya ke nê averberdişê tarîxîyî zorê ci şîne, vera Têkoşînê Îmralîyî yo ke Rayber Apo aver beno tim û tim bin kewna, vera Gerîlayanê Azadîye yê Kurdîstanî Zap, Avaşîn û Metîna de bin kewte hetekî ra hêrişê Rojawan û Şingalî kena ke çîyo ke DAÎŞ nêeşka bikero, temam bikero û hetê bînî ra terorî dinya de vila kena ke her kesî bikero hemkarê qirkerdişanê vera kurdan. Qirkerdişê diyînî yê Parîsî yo ke 23ê kanûna 2022yî ame kerdene no binge de ame kerdene. Tîya hîrê kurdê şorişgêrî hetê faşîzmê AKP-MHPyî ra ameyî qetilkerdene.  Ma reyna Evîne Goyî, Mîr Perwer û Abdurrahman Kizilî yad kenê.

Qirkerdişê verênî de embaze Sara û qirkerdişê diyînî de hemra Evîne ameye hedefgirewtene. Eşkera yo ke zîhnîyetê camerd serdestî tewr zaf têkoşînê azadîye yê cinîyan ra terseno. La sekenê wa bikerî şorişê azadîye yê cinîyan do peynîya înan bîyaro.  Nê bingeyî de muhakemekerdiş û hesabpersayîşê tarîxîyî dest pêkerdo. Peynîya nê zî do pê serkewtişî bêro. Ma reyna şehîdanê Parisî Sara, Rojbîne, Ronahî, Evîne, Mîr Perwer û Abdurrahman Kizilî reyna yad kenê û sozê serkewtişî newe kenê. Ma têkoşînê tarîxîyî yê Zap û Îmraliyî selam kenê, serkewtişê tarîxîyî yê gerîlayan pîroz kenê. Têkoşînê şarî yê çar leteyanê Kurdîstan û teberê welatî selam kenê û semedê pîlkerdişê têkoşînî veng danê.''