Komîteya Rayberdişî ya PKKyî bi wesîleya Hemleya 15ê Tebaxe eşkerayîya nuştejîye daye û nê pare kerdî:

“Hemleya ma ya şorişgêre Hemleya 15ê Tebaxe ya ke xeta Apoyî resna rêxistine û çalakîye, qerarê Xoverdayîşê Pîlî yê Zîndanî yê 1982yî kirişt koyan û gerîlayan bi têkoşînê xurtî yê hêzanê ma gerîlayan û şarî ha kewna serra 40ine. Zapo ke warê têkoşînê tarîxî yo, tîya de gerîlayanê HPG û YJA Starî 9 û 10ê tebaxe de derbeyê girdî dayî çeteyanê faşîstan ê AKP-MHPyî ro û serrgêra hemleya pîle selam kerd. No zî mojneno ke do têkoşînê serra 40ine senî bêro kerdene. Ma sere de nê serekwtişê gerîlayanê ke Girê Cûdîyî  kerdo kelaya xoverdayîş û girê serkewtişî, ma serkewtişê înan pîroz kenê û xoverdayîşê Gerîlayanê Azadîye yê Kurdîstanî yê vera îşxalî selam kenê.

Serrgêra 15ê Tebaxe de performansê gerîlayanê ma yê qehreman mojneno ke do serra 40ine de têkoşînî dahîna bêro xurtkerdene. Na çarçewe de çar leteyanê Kurdîstanî û teberê welatî de têkoşînê şarê ma zafêr aver şino pîl beno. Semedê azadîya fîzîkîye ya Rayber Apoyî têkoşîn do bêro xurtêrkerdene. Na çarçewe de ma Roşanê Ganîbîyayîş û Gerîlayan ê 15ê Tebaxe pîroz kenê. Ma şexsê fermandaranê xo yê bêmergan Egîd û Zîlane de heme şehîdanê xo yê hemleya qehremanîye ya tarîxî bi heskerdiş û minetî yad kenê û serra 40ine de kam ke têkoşînê azadîye û demokrasîyî keno, ma ci rê serkewtişê pîlî wazenê.

Seke yeno zanayene  bingeyê Hemleya 15 Tebaxe de sey têgarayîş û şarî 39 serrî yo ma vera îşxalker û qirkerdoxan bêmabên xover danê.  No têkoşînê ma yo ke têkoşîno tewr muhîm ê tarîxî yo, xeta azadîye ya Apoyî û serkêşîya gerîlayan de yeno kerdene. Têkoşînê qehremanîyê 39 serran hetê raştîya Rayber Apo û şehîdanê qehremanan ra yeno rayraberdene. Nê têkoşînê pîlî ke pancas hezar şehîdê ci est ê, nê 39 serran de kurdî perwerde kerdî û merdimîye roşn kerd.  Şexsê Rayber Apo, şehîdan û gerîlayan de merdimo xoser, cinîya azade afirnayî. Kurdîstan de verê koletîya girewt û rayîrê azadîye akerd. Eşkerayo ke nê dewrî de heme averşîyayîşê ke Kurdîstan de qewimîyayî binê ci de morê na hemle û xoverdayîşê gerîlayan est o.

Rayber Apoyî Hemleya Şorişgêre ya 15ê Tebaxe ya 1984î sey 'Hemleya hêvîyêke, înat û israrî' pênas kerd. Nê 39 serrî bi têkoşînê pîlî û bedalanê girdan, zehmetîyan û dejan ravîyartî.  Bingehê fîkranê Rayber Apoyî yê roşnkerdiş û çarekerdişî û cesaret û fedakarîya şarê kurdî no têkoşînê 39 serran bi serkewtişî ame rayraberdene. Dewleta tirke bi heme îmkananê xo hêrişê kurdan kena. Îmrali de sîstemê tecrîd û îşkence yî xorî kerd ke Rayber Apoyî bifatisnê. Hêzo ke kombîyayîşanê Astana, NATO û xayînîya PDKyî ra girewt, bi nê hêzî hêrişê xo zêdînayî.

Na çarçewe de cehd kena ke gerîlayanê ma bieciqno, serkêşîya partîya ma tesfîye bikero, Rojawan û Başûrê Kurdîstanî îşxal bikero. Bi şerê taybetî kenê ke îradeyê têkoşînî bişiknê, verê cinîyan û ciwanan bîgêrê, sîyasetê demokratîkî bêtesîr bikerê. Wina qeyde wazenê zextê faşîstî û terorî serê şaranê Tirkîya de zafêr bikerê. Ê bi kam hêz û metodî hêriş kenê wa bikerê, Gerîlayê Azadîye yê Kurdîstanî ke xeta Apoyî de xo tim newe kenê, do hêrişanê înan betal bikerê. Şar û dostê ma zî do her wextî ra zafêr serra 40ine de paştî bidê têkoşînê ma yê azadîye.

Hemleya 15ê Tebaxe 39 serran de bîye bingeyê xeylêk averşîyayîşanê şorişgêran sey ganîbîyayîşê neteweyî, azadîya cinîyan û Şorişê Rojawanî. Eşkerayo ke serra 40ine de do têkoşîno xurt bêro dayene. Beno ke hendê heme 39 serran têkoşîno gird bêro kerdene. Ma şayîyanê 15ê Tebaxe û çalakîyanê seba azadîya fîzîkîye ya Rayber Apoyî selam kenê û veng danê şar û dostanê xo ke wa bi ruhê 15ê Tebaxe xo newe bikerê û têkoşînî xurtêr bikerê."