Komîteya Merkezî ya PKKyî bi wesîleya serrgêra 44. ya ronîyayîşê PKKyî eşkerayîyêke daye. Eşkerayîye wina ya:

''Bi 27ê teşrîna peyêne ma kewenê serra 45. ya ronîyayîşê partîya ma PKKyî. Ma 27ê Teşrîna Peyêne Roşanê Gandarbîyayîşê Neteweyî sere de Rayber Apo pêro embazanê xo, şarê xo yê welatperwerî û dostanê xo yê demokratan rê fîraz kenê. Serrgêra 44. ya PKKyî de ma şehîdê xo yê verênî Hakî Karerî ra heta şehîdanê ma yê Zap, Avaşîn û Metîna pêro şehîdanê şoriş û demokrasî bi minetî yad kenê, verê vîrameyîşê înan de sereyê xo anê war. Ma soz danê ke wayîrê vîrameyîşê şehîdan vejîyê û têkoşînê înan biresnê serfîrazîye. Ma serra 45. de her kesî rê serkewtiş wazenê.

Seke zanîyeno PKK partîya Rayberîye û şehîdan a. 44 serrî yo tarîxê merdimîye de têkoşînê teer manadarî û pîlî PKK dano. Vera dewleta tirke ya faşîste, kolonyalîste û qirkere û sîstemê modernîteya kapîtalîste PKKyî şarê kurdî gandar kerd. PKKyî bi têkoşînê azadîye, serkêşîya Rayber Apoyî de sîstemê kolonyalîzm û qirkerdişî şikna. PKKyî bi têkoşînê xo cinî û ciwanî roşnî kerdî. Şarê kurdî yo ke welat, şar, name û nasnameyê ci ameybî qedexekerdene û binê qirkerdişê barbarî de mendbî, ewro îlham dano pêro cinîyan, şaran û bindestan û serkêşîya înan keno. Nê esasî ser o nameyê PKKyî bîyo hemmanaya kurdayetîye û Kurdîstanî.

Têkoşînê serra 44. ya PKKyî heman wextî de bi serra têkoşînî û layîqa rûmetê xoverdayîşî yê PKKyî. Eşkera yo ke xoverdayîşê gerîlayan esasê Xoverdayîşê Îmraliyî yê tarîxî û xoverdayoxanê Zap, Avaşîn û Metîna de morê xo da serra 44. Şarê ma û dostanê ma yê welatperweran dormeyê Rayber Apoyî de û hêzanê ma yê çêran de vera hêrişanê barbaran ê faşîzmê AKP-MHPyî, bi armancê azadîya Rayber Apoyî têkoşînêko qehremanwarî da. Nê esasî ser o ma xoverdayîşê Îmraliyî yê Rayber Apoyî selam kenê. Ma xoverdayîşê gerîlayan û şarê xo fîraz kenê û înan rê serkewtişêkê pîlî wazenê.

Pir eşkera yo ke ma bi şer û xoverdayîşêkê pîlî kewenê serra 45. ya PKKyî. Îdareyê AKP-MHPyî yê faşîstî Zap, Avaşîn û Metîna de bi çekanê kîmyewîyan û nukleran sûcê şerî kerdî, dima ke maskeya ci zî kewte war seba ke raştîyan binimno xîret kerd ke verê rojdemî bigêroo. Dima ke ser nêkewt îqtîdarê AKP-MHPyî Qirkerdişê Taksîmî kerd, xîret kerd ke zemînê hêrişanê barbaran ê neweyan virazo. Naye ra dima şewa 19-20ê teşrîna peyêne de hem vera Herêmanê Pawitişî yê Medya hem zî vera Rojawanê Kurdîstanî hêrişê qirkerdişî yê neweyî û hîrayî dayî destpêkerdene. Dewleta tirke bi hawayêkê barbarî cayanê sivîlan bi taybetî dew, tax û çimeyanê cuye yê komelî bi taybetî embaranê genimî, nêweşxane û îstasyonanê enerjî dana bombayan ver. Nê esasî ser o xîret kena ke herêma stratejîkî ya Başûrî ya ke ma tira vanê Herêmanê Pawitişî yê Medya îşxal bikera û şarê ma yê Rojawanê Kurdîstanî erdê ci ra veja û Îdareyê Xoserî yê Rojawanî birijna.

Heta nika bi desan sivîlî şehîd û birîndar bîyê. Rojawan de verê çimanê dinya de qirkerdişêk yeno kerdene. Wexto ke îtîfaqê hîrê kesan Tirkîya de destek dano nê qirkerdişê kurdan o ke hetê dîktatorîya faşîste ya Erdogan-Bahçelîyî ra ameyo kerdene, Neteweyê Yewbîyayeyî û pêro welatê sey Amerîka û Rûsya warê xo yê hewayî akenê û bi bêvengîya xo paştî danê nê qirkerdişan. Reyna hemkarê înan PDK seba îşxalê erdê Başûrî paştî dano îqtîdarê AKP-MHPyî yo faşîst.

Eşkera yo ke pêro pîya têgêrenê ke qirkerdişê kurdan temam bikerê. Coka serrgêra 44. ya partîya ma ya azadîye PKKyî de vera ma hêrişê tewr pîl û barbarî yenê kerdene. Labbelê ganî bizanîyo ke nê xelet ê, zaf xelet ê! Şarê kurdî yo ke xeta azadîya Apogîre de şîyar bîyo û PKKyî reyde bi qehremanîya xopawitişî do nê hêrişan vindarno û cewabê lazimî bido îşxalkeran. Şarê kurdî îqtîdarê AKP-MHPyî do bikerê binê erdî û maskeya pêro emperyalîst û xayînan bierzo çopê tarîxî.

Bêguman têkoşîno winayên xeta xoverdayîşê Apogîrî û serkêşîya PKKyî de do bêro kerdene. PKK serra 45. de do ser bikewo. Bêguman gerîlayê HPG û YJA-Starî Zap, Avaşîn û Metîna de destanan binusê, têkoşînêkê winayênî bikerê. Êyê ke 6 serran o Herêmanê Pawitişî yê Medya de, 7 mengî yo Zap, Avaşîn û Metîna de vanê 'ma rayîr nêdanê îşxalî' do bieşkê têkoşîno ke îşxalkeran bişikno bikerê. Zap, Avaşîn û Metîna do bibo cayêk ke zerrîya şarê ma û merdimatîya azade tede gulp dana. Feraset û sîyaseto faşîst û qirker Zap, Avaşîn û Metîna de do bêro rijnayene. Nê esasî ser o ma reyna xoverdayîşê gerîlayan ê çêran selam kenê û venga pêro şarê xo û dostanê xo danê ke dormeyê xoverdayîşî de bibê yew.

Ma hol zanenê ke şarê Rojawanê Kurdîstanî bi taybetî şarê kurdî teslîmê nê hêrişan nêbê û erdê xo meteriknê. Şarê ma yê Rojawanî serkêşîya Hêzanê Pawitişî de bi xoverdayîşî û seferberîyêka tame do faşîzmê AKP-MHPyî bixeniqnê. Nê esasî ser o ma reyna xoverdayîşê azadî û demokrasî yê şaranê Rojawanî selam kenê û venga şarê xo yê çar parçeyanê Kurdîstanî û teberê welatî û pêro merdimatîye danê ke hîna zaf wayîrê nê xoverdayîşê fîrazî vejîyê û paştî bidê nê xoverdayîşê Rojawanî.

Eşkera yo ke 25ê Teşrîna Peyêne sey 'Roja Têkoşînê Vera Şîdetê Serê Cinîyan'' yeno fîrazkerdene. Cinîyê çar hetanê dinya û bi taybetî cinîyê kurdî bi rojan o xo ver danê û vejîyenê waran, şîdetê dewleta camêrdî protesto kenê Sey Rojhelatê Kurdîstanî û Îranî çar hetanê dinya de cinîyî bi sloganê 'jin, jiyan, azadî' şinê. Ma sey PKKyî nê çalakîyanê azadîye yê vera hişmendîya serdestîya camêrdan selam kenê. Ma pê bawer ê ke çalakîyê azadîye yê cinîyan do pîlêr bibê û bibê şorişê azadîya cinîyan û seserra 21. do bikerê seserra cinîyan. Partîya ma ya ke pabesteyê fikrê Jineolojî ya, hertim pêro embazanê cinîyan rê têkoşînê înan de serkewtişî wazena.

Eşkera yo ke serra 45. ya PKKyî serrêka zaf krîtîk a û do bieşka qederî dîyar bikera. Faşîzmê AKP-MHPyî û dewleta tirke seba ke biciwîyê bi pêro hêzê xo hêrişan kenê û do nê hêrişan bizêdinê. Vera nê hêrişan şarê ma û dostê ma do bi serkêşîya partîya ma wa hîna zaf bibê yew û xoverdayîşê tarîxî aver berê. Hêzê ma yê qehremanî gerîlayî, rêxistinê cinî û ciwanan, şarê ma yê çar parçeyanê Kurdîstanî û teberê welatî do serra 45. ya PKKyî bikerê serra serkewtişêkê pîlî û serra azadîya Rayber Apoyî.

Nê esasan ser o ma reyna serrgêra 44. ya ronîyayîşê PKKyî fîraz kenê û serra 45. ya têkoşînî selam kenê. Ma şarê xo yê welatperwerî û hêzanê demokratîkan ra wazenê ke Roşanê Partîye bi coşêkê pîlî fîraz bikerê û xoverdayîşê azadîye pîl bikerê, vera hêrişanê faşîst û qirkeran ma her ca de xoverdayîşê azadîye geş bikerê'

Bimirê hêrişê faşîst û qirkerî!

Biciwîya serrgêra 45. ya têkoşînê partîya ma!

Biciwîyo şerê ma yê şarî yo şorişgêr!

Biciwîyê serkêşê ma yê azadîye PKK-PAJK!

Biciwîyo Rayber Apo!''