Komîteya Rayberdişî ya PKKyî eşkerayîyêka nuştekîye daye û pare kerd ke têkoşînê vera hîşmendîya qirker û kolonyalîste û têkoşînê vera hemkarî û îxanetî yewbînan ra cîya nîyê.

Eşkerayîya PKKyî wina ya:

''Na teşrîna peyêne de partîya ma û Têgêrayîşê Azadîye yê Kurdîstanî benê 43 serre. Sere de ê Rayber Apoyî ma Roşanê 27ê Teşrîna Peyêne û Roja Xoverdayîş û Gandarbîyayîşê Neteweyî yê pêro welatperwer, embaz, şar û dostanê xo fîraz kenê. Serra 43. de ma pêro kesan rê ke têkoşînê azadî û demokrasî danê, serkewtiş wazenê.

Nê esasî ser o sere de cinî û ciwanan ma venga pêro şar û dostanê xo danê ke serrgêra ronayîşê 42. ya PKKyî sey yew roşan bi rojan fîraz bikerê û her ca bikerê warê têkoşînê azadîye. Na çarçewe de ma venga her kesî danê ke Hemleya 'Tecrîd, Faşîzm, Îşxalî rê Bes; Wext Wextê Azadîye yo' bikerê pîlêr.

Ma şehîdanê teşrîna peyêne yad kenê

Ma embazanê ma Endamê Komîteya Rayberdişî ya PKKyî û Fermandara YJA-Starî, HPG û Eyaletê Botanî Delale Amed û Fermandara YJA-Starî Azê Malazgîrt bi rêzdarî û minetî yad kenê. Ma soz danê ke armancê înan do bîyarê ca. Xoverdayîşê Fermandar Agîd Civyanî zî mojna ke gerîlayê Botanî rêçê Azê û Delale de şinê.

Reyna ma şehîdê bînî yê teşrîna peyêne Konseya Fermandarîya HPGyî Reşît Serdarî serrgêra 8. ya şehadetê ci de bi minetî yad kenê. Reyna ma embaz Fermandar Dozdar Hamo zî bi rêzdarî yad kenê. Şexsê nê embazan de ma pêro şehîdanê teşrîna peyêne bi minet, heskerdiş û rêzdarî yad kenê. Ma soz danê ke ma do armancê înan bîyarê ca û vîrameyîşê înan bipawê. Ma venga welatperweranê Kurdîstanî danê ke bi xurtêrî wayîrê şehîdanê ma vejîyê û bi xurtêrî serrgêra 42. ta ronayîşê PKKyî fîraz bikerê.

Têkoşîno leşkerî û sîyasî pêro waran de yo

Na serra partîya ma de zî pêro wareyan de têkoşîno sîyasî û leşkerî yeno caardene. Şarê  ma yo welatperwer û dostê ma yê şorigêr-demokratîkî sîstemê îşkence û tecrîdî red kenê û azadîya Rayber Apoyî wazenê. Seke raporê CPT û MPKE de dîyeno hînî wayîrê tecrîdî zî nê tecrîdî nêwazenê û hê verê ci gêne. Bi na wesîle ma venga pêro nê hêzan danê ke sozê xo bîyarê ca û ma venga pêro hêzanê demokratîkan danê ke têkoşînê azadîya Rayber Apoyî her war de aver berê.

Ma sey PKK vanê ke tim vanê ke mabênê îqtîdarê AKP-MHP û DAÎŞ, OSO, El Kaîde deyew ferq çin o. Îtîfaqê AKP nînan weye keno. No îqtîdar pê cerganê xo ke dinya ra arê dîya keno ke Îdlîbî ra heta Heftanînî polîtîkaya qirkerdişî bîyaro ca û Ewropa de zî teror bikero. Ewro Karabagî ra heta Kanada û Ewropa serebûtê nikayênî nê kerdişê cergan îspat kenê. Coka ma venga pêro antîfaşîst, rêxistin, partî, demokratan danê ke raştîya AKP-MHPyî tam fam bikerê û vera nê hêzê qirkerî tewirê xo bigêrê.

Têkilîya TC-PDKyî mesele ya

Mabênê dîktatorîya AKP-MHP û PDKyî de hetê leşkerî, ekonomîk û sîyasî ra têkilîye esta. Na têkilîye hem seba kurdan hem zî seba her kesî  problematîk û bizerar a. Na têkilîya rîyê qirker, kolonyalîst û îşxalkerî yê dewleta tirke nimnena. Ma verî venga PDKyî dabi ke na têkilîya xo ya bi dewleta tirke bibirno. La înan cewabêko negatîf da ma û têkilîya xo kerde xurtêr. Seke alozîya Zînî Wertê de zî dîya PDK herêmanê gerîlayan rê hema zî sewqîyatê leşkerî keno û hemkarîya dewleta tirke keno. Sewqîyatê Xakurkê, Heftanîn û Garê na rewşe bi zelalî eşkera kenê. Na rewşe hînî vurîyaye provakasyonêk ke xizmetê dişmenê kurdan keno.

Pê îstîxbaratê PDKyî bi seyan gerîlayî şehîd bîyî

Hemserekîya Konseya Rayberdişî ya KCKyî vera îdareyê PDKyî tewiro raştikên mojna. Fermandarîya Qerargehê Merkezî ya HPGyî zî derheqê têgêrayîşê leşkerîyî de tim şarê ma agahdar kena. Nê tewir û fikrê Têgêrayîşê ma yê Azadîye îfade kenê. Sere de KNK ganî tewirê pêro partî, rêxistin û şexsîyetan ê neteweyan ê Kurdîstanî seba ma girîng ê û Têgêrayîşê ma qîmet û hûrmet mojneno înan. Nê esasî ser o Têgêrayîşê ma seke soz dabi çi bikewo milê ci do bikero.

La ganî hol bizanîyo ke bi seyan gerîlayê azadîye netîceya îstîxbaratê PDKyî de ke dabi dewleta tirke şehîd bîyî. Mumkîn nîyo ke kurdê wayîrwijdanî na rewşe qebul bikerê. Wa çew hêzê PKKyî îmtîhan nêkero û wina mehesibno ke 'PKK qels bîyo.' Qesre û wayîrê ci nê îrade û paştdayîşê kurdan eşkenê bire bidê ke PKK kamyew cayê Kurdîstanî de bimano yan nêmano. Têgêrayîşê PKKyî giranîye dano heskerdiş û hûrmet. La kam çendek hûrmetê ma bikero ma zî hende hûrmetê ci keno. Serebûtanê peyênan reyna eşkera kerd ke  têkoşînê vera hîşmendîya qirker û kolonyalîste û têkoşînê vera hemkarî û îxanetî yewbînan ra cîya nîyê.  Partîya ma venga pêro welatperweranê kurdan dana ke na xêta neteweyî û demokratîke de bibê yew, tewirê xo ronê û têkoşîn bikerê.''