Eşkerayîya Komîteya Rayberdişî ya PKKyî wina ya:

''27ê sibate de Suleyman Soyluyî bi hawayêkê bêcidîyetî da zanayene ke Îmrali de şewat vejîya. Dima ke kurdan û dostanê ci vera naeşkerayîya bêcidîyete weriştî payan ser Walîtîya Bursa eşkera kerd ke 'şewat ame kontrolkerdene'. Şewatî ra hîrê rojî vîyartî. Rîxmê pêro nêrazîbîyayîşan û protestoyanê kurdan dewleta tirke hema zî deeheqê şewatî de eşkerayîya newîye nêkerde. Vengdayîşê kurdan ê 'Wa avûkatî û keyeyî şorê Îmrali û rayaumûmîye rê rastîyan vajê' hetê AKPyî ra bêcewab ame verdayene. Nê zî kerd ke qesawetê ma bibo zêdêr.

Aseno ke Îmrali de serebûtê neweyî qewimîyenê, tedaya vera Rayber Abdullah Ocalanî û dostanê ci bena zêdêr. Faşîzmê AKP-MHPyî yo ke Îdlîb de bin kewt û vera xoverdayîşê kurdan neçare mende wazeno ke qesasê xo Îmrali ra bigêro. Nêbo mumkîn nîyo ke mîyanê zimistanî de mabênê dengizî de wina yew şewat bivejîyo. Na rewşe mojnena ke asayîşê cuya Rayber Ocalanî û dostanê ci binê tehlûkeyî de yo. 

Îmrali cayêko basît nîyo. Rayberê Şarê Kurdî Rayber Apo uca de yeno tepiştene. Coka pêro serebûtê ke İmrali de qewimîyenê hetê îdeolojîk û sîyasî ra yew mana îfade kenê.Dewleta tirke, hêzê DYA, Konseya Ewropa û sey CPT dezgehê ke pabesteyê ci yê mesuldarê her serebûtê Îmraliyî yê.

Hesabê pêro xirabîye mesuldaran ra do bêro persayene. Destê ke dergê Rayber Apoyî û tepişteyanê şorişgêran rê bîyî do bêrê şiknayene.

Ma reya verêne selam kenê şarê xo rê ke seba wayîrvejîyayîşê Rayber Apoyî meydanî pir kerdî. Ma nika ra 8ê Adare ya cinîyan û Newroza şaran fîraz kenê. Ma hêvî kenê ke 8ê Adare û Newroze do hîna zêdêr bibê rojê wayîrvejîyayîşê Rayber Apoyî.

Ma pê bawer ê ke heta ke keye û avûkatî Rayber Apoyî reyde pêvînayîş nêkerê şarê ma, ciwanî, cinîyî, hêzê şorişgêrî û demokratîkî meydanan do terk nêkerê. Ma venga pêro şarê xo, hêzanê demokratîkan û şorişgêran danê ke vera faşîzmî û tecrîdî heta ke Rayber Apo azad bibo têkoşînêkê bêmabênî bikerê!

No vengdayîşê ma tewr zaf seba şarê Tirkîya û hêzanê şorişgeran û demokratîkan o.  Rewşa Îdlîbî mojna ke hîşmendîya dişmena kurdan senî bin kewte û pûç bena. Bedelê nê şerî zî şar, ciwan, cinî û roşnvîrê Tirkîya danê. Rayîrê têkoşînê vera naye çinkerdişê tecrîdê Îmraliyî ra derbaz beno. 

Ganî şarê ma û dostê ma baş bizanê ke serê Rayber Apoyî û ma de gefêko faşîst-qirker esto. Îqtîdarê AKP-MHPyî yo faşîst ho çin beno. Her çi pabesteyê hêzê têkoşînê ma yê azadî û demokrasîyî yo. Coka seba ke ma faşîzmê AKP-MHPyî birijnê, Tirkîya demokratîk û Kurdîstan azad bikerê; hêzanê xo bikerê yew û têkoşînê demokratîkî û şorişgêrî her ca de berz bikerê.''