Komîteya Rayberdişî ya PKKyî bi wesîleya şehadetê Vîyane Soran (Leyla Walî Huseyîn) eşkerayîyêke daye.

Eşkerayîye wina ya:

''Ma hê dekewenê menga Komployê vera Rayberîye û hêrişanê komplogeran. 15ê sibata 1925î serra 96. ya hêrişanê komplogeran a û 15ê sibata 1999î zî serra 22. a komployî ya. Na rewşe mojnena ke şarê ma vera komployan xoverdayîşê çêrî zî kerdî. Ma nê pêro xoverdayîşan rê selam kenê û şexsê şehîdanê 'Şima nêeşkenê tîja ma tarî bikerê' de pêro şehîdanê azadîye bi minet û hurmetî yad kenê.

Menga sibate heman wextî de serrgêra şehadetê Endama Komîteya Newe ra Awanîya PKKyî û ewlada çêre ya Başûrê Kurdîstanî Vîyane Soran a. Embaze Vîyane îrade û hîşmendîya redkerdişê cuya bi sîstemê îşkenceyî û berdewamîya xoverdayîşê fedayî ya 'Şima nêeşkenê tîja ma tarî bikerê' ya vera komployî temsîl kena. Ma na çarçewe de embaze Vîyane serrgêra 15. ya şehadetê ci de bi heskerdiş û minetî yad kenê û anê ziwan ke serra 23. de ma do pê hîsgerîya Vîyane vera Komployê 15ê Sibate xo ver bidê û qetî ser bikewê.

Seke zanîyeno Embaze Vîyane sibata 2006 de vat 'pê sîstemê tecrîdî û îşkenceyî yê Îmraliyî ma nêeşkenê biciwîyê' û bedenê xo da adirî ver. Aye pê çalakîya xo û mesajanê xo mojna ke ganî vera Komployê 15ê Sibate û tecrîdê Îmraliyî xoverdayîşêko senîn bêro kerdene. Aye waşt ke dêsê Îmraliyî bişikîyê û Rayber Apo Azad bibo. Bi nê hawayî embaze Vîyane bîye raybera Hemleya 'Wextê Azadîye.' Ewro ma vînenê ke waştişê embaze Vîyane ca de bîyê.

Embaze Vîyane hema ke ciwan bîye tewra têkoşînê azadîye bîye û tim bîye milîtana fedayî ya Rayber Apoyî. Aye çar parçeyê Kurdîstanî de wezîfe kerd û karê tewr giranî ardî ca. Embaze Vîyane pa embaze Nuda Karker bîye sembola partîbîyayîşê dewrê 3. Êyê ke vanê PKK Başûrê Kurdîstanî de 'meyman o' ganî bizanê ke komîteya newe ra awanîya PKKyî de sey başûrije embaze Vîyane zî ca girewtêne.

Vîyane Soran raybera şar, cinî û ciwanan bîye. A pê hîşmendîya Rayber Apoyî rixmê ciwanîya xo bîye raybera cinîyanê Başûrê Kurdîstanî. Embaze Vîyane krîterê 'Şorişê Başûrê Kurdîstanî şorişê cinîyan o' yê Rayber Apoyî xo rê kerd esas û Başûr de şorişê cinîyan da destpêkerdene. 

Tewirê Vîyane yo ke 15 serrî verî vera Komployê 15ê Sibate mojnabi bêguman tarîxî yo. Çalakîya embaze Vîyane mojnena ke ganî vera hêrişanê dewleta tirke û hemkarîya PDKyî tewirêko senîn bêro mojnayene.

Ganî bizanîyo ke ma do serrgêra 16. ya şehadetê ci de raştîya embaze Vîyane holêr fam bikerê û nê esasî ser o şarî reyde vera Komployê 15ê Sibate têkoşînêkê aktîfêrî bîyarê ca. Ma do vera AKP-MHPyî her war de şerê xo hêzê bikerê. Ma do Hemleya 'Wextê Azadîye' pêro dinya û çar parçeyanê Kurdîstanî de pê çalakîyan aver berê, sîstemê Îmraliyî pareçe bikerê û azadîya Rayber Apoyî bîyarê ca. Bi nê hawayî ma do embaze Vîyane rê deynê xo bidê.

Nê esasî ser o ma îdarekara partîya xo û fermandara YJA-Starî embaze Vîyane Soran reyna bi hurmetî yad kenê. Ma venga şar, cinî û ciwananê xo danê ke vera Komployê 15ê Sibate tewirê Vîyane bigêrê û têkoşîn bikerê.''