Komîteya Rayberdişî ya PKKyî ya bi eşkerayîyêke şehîdê menga gulane yad kerdî û nê pare kerdî:

''Ma emser binê hêrişê vîrusê Korona yo ke ameyoxo azad ê merdimîye tehdît keno kewtî menga şehîdan. Jan çend şino vila beno, qirkerdişêko newe yê merdimîye yeno ciwîyayene. Bêşik o ke rîyê hêrişê sîstemê kapitalîstî yê vera xoza û komelî ra no jan vejîya werte. Sîstemê modernîteya kapitalîste yo ke vano ma do  merdimîye biresnê 'azadîya bêsînore' tewr peynî de dinya açarna zîndan. Hetêkî ra rîyê janî ra dinya de krîz beno xorî hetê bînî ra serdestî ney sey şansêk şuxulnenê û ewnîyenê karê xo ra.

Faşîzmê AKP-MHPyî zî wazeno ke bi vîrusê Korona emrê xo bikero derg. Hem komelî ra raştîyan nimneno hem zî binê nameyê 'keye de bimane' de qedexeyan fîneno dewre û komelî geno binê zext û kontrolî. Îqtîdaro faşîst sere de Kurdîstan heme Tirkîya de vera şarî zext û zulimê xo zêdîneno. Rojanê Korona de ke her kes kewtbi derdê weşîye înan hêrişê şaredarîyanê kurdan kerd. Reyna zîndanan ra paştgêrê xo vetî û tepişteyê sîyasîyî mergî rê caverdayî. Îqtîdaro ke bêehleqîye de sînor nasnêkeno pê mirnayîşê kurdan zî qîym nêkeno û hêrişê goranê ci keno. Îmrali de tecrîd yeno xorî kerdene û Rojawa û Başûr de şer yeno vilakerdene û bi paştdayîşê Amerîka û PDKyî vera têgêrayîşê ma hêrişî zêdîyenê.

Ma sey têgêrayîş û şarî binê nê şertan de kewenê menga şehîdan. Ma çarçeweya roşnîya raştîya Rayberîye û şehîdanê xo de nê rewşan hîna rind fam kenê û vera înan têkoşînê xo yê azadîye û demokrasîyî hîna aver benê. Ma 1ê Gulane roja têkoşîn û paştdayîşê ya karker û kedkaran na çarçewe de bimbarek kerd û yew hetî ra zî vera dîktatorîya faşsîte hêrsê xo ard ziwan. Hetê bînî ra zî ma alternatîfê xo yê demokratîke aver benê.

Na çarçewe de ma menga şehîdan û 18ê Gulane Roja Şehîdan silam kenê. Ma hemra Hakî Karero ke Rayber Apoyî vatêne ‘ Sey ruhê mi yo nimite yo’serrgêra şehadetê ci ya 43. de bi hurmet, heskerdiş û mînetî bi vîrî anê  û şexsê ey de heme şehîdanê qehremanan bi hurmet yad kenê.

Ramazan Kaplan û grûba ci yê ke 1ê gulana 1985 de Garzan de, hemrayê ma Mehmet Karasungur û Îbrahîm Bîlgîn ê ke 2ê gulane 1983 de Qendîl de, hemrayî Azat û Çektar ê ke 2ê gulana 2016 de Amed de şehîd kewtî, mîlîtanê rayberî Denîz Gezmîş, Yusuf Aslan û Huseyîn Înan ê ke 6ê gulana 1972 de, Şirîn Elemhulî yo ke 9ê gulana 2010 de Îran de ameyî daliqnayene û hemra Hozane Mîzgîne ya ke 11ê gulana 1992 de Garzan de şehîd bîyî ma bi hurmet, heskerdiş û mînetî yad kenê û sozê caardişê waştişanê înan newe kenê.

Ma zanê ke sey înan bi desan şehîdê ma yê qehreman ê na menge estê. Ma her çîyê xo şehîdanê xo rê deyndarê. Ma ganî xo vîrî ra mekerê ke her wext rayîro raşt şehîdê ma ramojnê. Raştîya şehîdan her tim rayîrê serkewtişî akena. Coka ganî  ma  rêça şehîdan de têkoşînî xurtêr bikerê ke ma ser bikewê. Na çarçewe de ma roja şehîdan û menga şehîdan ya 44ine reyna silam kenê û şexsê Hakî Karer, Mehmet Karasungur û Hozane Mîzgîn de heme şehîdanê xo yê qeheremanan yad kenê û vanê ke ma şehîdanê xo raşt fam bikerê û rêça înan  xoverayîşî girdêr bikerê.''