Endama Konseya Fermandarîye ya YJA-Starî Ferîde Alkan bi wesîleya serrgêra 44. ya ronîyayîşê PKKyî ANFyî rê qisey kerd.

Ferîde Alkan verî serrgêra ronîyayîşê PKKyî fîraz kerde. Qiseykerdişê Ferîde Alkan ra tay noqtayê girîngî wina yê:

''PKK her çî ra ver partîyêka Kurdîstanî ya ke vera qirkerdişê kurdan û felaketan îradeyê çareserîye aferna. PKKyî pêro prosesanê tarîxê kurdan ra dersî girewtî û vera polîtîkayanê înkar û çinkerdişî, têgêrayîşê azadîye da destpêkerdene. Têgêrayîşê kurdan Komara Tirkîya ya faşîste û qirkere ra kahanêr a. Meseleya tewr pîle ya şarê kurdî nê 100 serran de kêmîya yew rayberêkî/e bîye. PKKyî sey partîyê Rayberîye şarî ya raştikêne dest pêkerd. Şexsê Rayberê ma de elewî, sunî, êzidî, karker, dewij, wendekar, dikandar, cinîyî û camêrdî yew armancê hemparî ser o kom bîyî nê esasî ser o dest pê têkoşînî kerd. Coka çareserkerdişê meseleya Rayberîye şexsê PKKyî de seba şarê kurdî destkewteyêko tewr tarîxî yo.

Gama diyîne PKKyî raştîya şerê şerkerî afernaye. Kurdî seba ke bêrêxistin bibî tarîx de tim serewedaritişanê xo de bin kewt.  PKKyî raştîya şarêkê winayênî awan kerde ke no şar zanaye, rêxistinkerde û çîyêkî ra nêterseno. Hêzo tewr rêxistinkerde yo fedayî yo gerîlayî 38 serrî yo vera pêro teda û zorbazîye kurdan paweno. Mîyanê 38 serranê peyênan de no hêz artêşa tewr pîle ya diyîne ya NATOyî bin visnena.

Gama hîrêyîne PKKyî artêşbîyayîşê cinîyan û têgêrayîşê azadîye yê cinîyan da dayî destpêkerdene. Bi nê hawayî PKKyî mojna ke têna partîyêka sîyasî nê partîyêka têgêrayîşê şorişê komelî ya. No zî Kurdîstan de bi hêzêko pîl. PKKyî pê perspektîfê xo mojna ke o têna seba şarê kurdî nê seba pêro şaranê Rojhelatê Mîyanênî partîya çareserî ya. No zî Şorişê Rojawanî de ame dîyene.

Nameyê milîtananê PKK û PAJKî, şerwananê HPG û YJA-Starî ser o ma pê bawer ê ke PKK têkoşînê xo de do ser bikewo. Ma reyna serrgêra 44. ya partîya xo fîraz kenê û vanê ke ma do qetî ser bikewê.''