Goreyê eşkerayîya Komîteya Paştdayîşê  Keyeyanê Şehîdan ê PKKyî Murat Saat bi nameyê qodî Dogano ke zîndan de nameyê Denîz Pîrî xebitnayî 21ê teşrîna peyêna 1974î de Samsun-Havza de dadîya xo ra bi. Serra 1992î de Îstanbul de têkoşîn nas kerd û hezîranê 1994î de Eyaletê Garzanî de tewrê partîye bi. Heman eşkerayîye de ame parekerdene ke Saat 20ê temmuza 1996î de herêma Motkî ya Bedlîsî de ame tepiştene û 28ê kanûna 2017î de zî wefat kerd.

Komîte seba serweşîye keyeyê Saatî rê mektubêk erşawit.

Mektub de ame vatene: ''Embazê ma Murat Saato ke ewlad û merdimê şima yo, dej û meseleya kurdî nêzdî ra dîyî, zerrîya xo ra hîs kerd û seba ke peynîya înan bîyaro tewrê gerîlayan bi ke seke hêvîya azadîye ya şaran dîye. Embazê ma yê dewa yê rûmetênî û ewladê şima Saat her hêla cuya xo de seba azadîya Kurdîstanî, bi heskerdişî, perwerîye û fedakarayêka pîle seba şarê xo, welatê xo û Rayber Apo xebitîya. Serra 1996î de herêma Garzanî de operasyonê hêzanê tirkî de embazê ma Saar koma xo ra cîya bi û ame tepiştene. Têkoşînê xo yê 21 serran de bi mîlîtano demokratîk. Nêweşîyêka girane ra 28ê kanûna 2017î de şehîd bi.

Wa sereyê şarê Kurdîstanî û sereyê şima weş bibo. Ma wazenê ke şima hol bizanê ma dejê şima zerrîye ra pare kenê û şehadetê ey ra hende şima qehirîyenê. Ma xîret kenê ke bi berzkerdişê çeke û alaya eyi bi xurtkerdişê têkoşînî ma do nê dejî şenik bikerê. Ma pabeyê ci yê ke şima zî bi sebirêkê pîlî şehadetê ey pêşwazî bikerê.Eke bedeldayîş nêbo azadîye nêbeno, cuya rûmetêne nêbena. Rayîro tewr raşt ê qedînayîşê dejî wayîrvejîyayîşê şehîdan o. Manaya naye zî caardişê armancanê înan û têkoşînê oxirê ci de yo.''

Eşkerayîye de dîya zanayene ke nê esasî ser o reyna ê serweşîye wazenê û selam û rêzanê xo pêşkêş kenê.