Komîteya Xebatanê Şehîdan a PKKyî bi eşkerayîyêk şehîdê menga kanûne yad kerdî.

Eşkerayîya PKKyî wina ya:

"Rayber Apoyî PKK estbîyayîşê şehîdan ser o awan kerd. Bi vatişêkê bînî averşîyayîşê Kurdîstanî bi sayê şehîdan bi. Na ye ra çend çîyê ke PKKyî kerdî bi fikr, felsefe, qerardarîye û kesayetê Raber Apoyî û estbîyayîşê şehîdanê ma ra ameyî meydan. Heman wextî de şehîdî yenê manaya estbîyayîşê PKKyî. Coka Rayber Apo tim vano: 'PKK partîya şehîdan o.' Naye ra ma pêro bi sayê şehîdan benê kurdîstanij û xo resnenê asta welatperwerîye.

Têgêrayîşê Azadîya Kurdîstanî yan zî PKK kewt serra xo ya 42. Ganî nêro vîrkerdene ke pêro destkewteyê kurdan û Kurdîstanî bi sayê şehîdanê PKKyî ameyî girewtene. Bêguman ma çiqas rastîya çêranê xo yê bêmergan bikê zî kêm maneno. Her şehîdêk estareyo tewr beriqîyaye yo ke cuya ma kenê roşnî.

Na menge de zaf çêrî şehîd bîyî ke nameyê xo bi herfanê zernênan tarîxî ser o dayî nuştene. Înan ra yew zî Fermandar, domanê Botanî û rayembazê Rayber Apoyî Adil-Ramazan Aybî yo. Embaz adile pabesteyê rayîrê welat, erd û embazanê xo bi. û her tim bi çêrî, bawerî û qerardarîye şer kerd. O Têkoşînê Azadîye de nika zî her tim zî do cepheyan de ver bi azadîye bivazdo.

Embaza Gulbahare-Selma Kaya cinîyêka serewedarteye bîye ke wexto ke rastîya Rayber Apoyî û PKKyî de biba yew, koyanê Kurdîstanî de rayberîya rindbîyayîşê azadîye bîye. Ewro çimê pêro dinya hê cinîyanê Kurdîstanî ser o yê. Bêgûman na berhemê kede û fedakarayîya Gulbaharan a.

Vera komplogerîye xeleka adirêne ya ke dormeyê Rayber Abdullah Ocalanî de amebî tafînayene her roje bi tewrbîyayîşê canêkê neweyî xurtêr bîye û derbê giranî dayî dişmenan ro. Embaze Binevşe-Husnîye Oruç zî xelekêka adirêne bîye. Embaz Rustem-Yucel Zeydan vera nokerîye û ximikarîya dişmenan rayberîya welatperwerîye û şorişgêrîye kerde. Xelekêka nê rojanê ma ra yew zî embaz Sabrî Gulo-Dara Reşît Gulo ya. Rayberanê ke wayîrê şexsîyetê tewr pîlî ra yew zî şarê ma ra êzidîyan ra embaz Omer-Abdullah Sevgat o. Ewro şarê ma yê êzidîyan ser o fermanê qirkerdişî dewam kenê. Domanê Êzîdxanî ganî no şehîd o çêr pawitişê Şengalî de biresno hêzêkê tewr xurtî.

Serrgêra 42. ya PKKyî de gefê qirkerdişî yê vera kurdan dewam kenê. Mîsalê ney zî şehîdgehê Xerzanî yo. Xoverdayîşê Cizîrî de ame dîyene ke kurdê ke seba cuya azade israr kenê benê bîyî hedefê hêrişan ê barbaran û cêrzemînanê banan de ameyî vêşnayene. Senî ke Qirkerdişê Rosboskî de domanê kurdî ameyî qetilkerdene bi nê hawayî domanê Til Rifatî ameyî qetilkerdene.

Raîtîya PKKyî û şehîdanê ma temînata cuyêka azade ya. Her şehadet sey awankerdişê cuyêka newîye bêra awankerdene. Ganî baş bêro zanayene ke têna bi wedaritişê îşxalî ma eşkenê layîqê şehîdan bibê. Bi na bawerîya ma şehîdanê menga kanûne şexsê embazanê ma Adil, Gulbahar, Sabrî, Rustem, Binevş, Omer û fermandar Numan Amedo ke zerrîya Amedî de pîl bi, bi rêzdarî yad kenê û rîyê xo çarnenê raştîya înan. Ma reyna soz danê ke ma do cuyêka azade awan bikê. Ma do xeyalê înan ê azadîye bîyarê ca û dinyayêka azade dîyarîya înan bikê. Şehîdî felsefeya ma ya cuye yê. Ma do her tim şehîdan reyde biciwîyê."