Şîrketa Ceyranî ya Dîcle (DEDAŞ) taxa Kayalarî ya qezaya Şemrexî ya Mêrdînî de seba wekerdişê hûmarkerîyan xebate daye destpêkerdene. Karmendê DEDAŞî bi polîs û wesayîtanê zirxînan dekewtî taxe.

Roniştoxanê taxe vera rewşe nêrazîbîyayîşê xo mojna. Hemwelatîyanê ke kuçeyê Gazîyî de kom bîyî waşt ke karmendê DEDAŞî taxe ra şorê. Polîsan bi awa tazyîkîne û gazê îsotî hêrişê şarî kerd. Xeylêk hemwelatîyî binê tesîrê gazî de mendî.

Taxe de alozîya DEDAŞî dewam kena.