27ê kanûne de wendekarê muhendîsîya înşaatî Cîhan Can hetê wesayîtê zirxînî ra amebi pelçiqnayene û wefat kerdbi. Serebûtî ra dima ramitoxê wesayîtê zirxînî H.A.yî îfadeyê xo de vat: "Mi va qey seba ke wesayît kolîyan ser o şino naye ra lerzîyeno.'' Avûkatê keyeyê Canî Fuat Coşocakî ard ziwan ke îfadeyê sucdarî hetê emnîyet û polîsan ra ame amadekerdene.

H.A. îfadeyê xo ra dima sewqê Dozgerîya Cezaya Sulhî ame kerdene û bi şertê kontrolê edlîyî ame veradayene. Avûkatê keyeyê Canî Fuat Coşoacakî derheqê bira mehkeme de qisey kerd û vat: "Îfadeyê H.A.yî wina ame amadekerdene ke eşkera yo ke o hem hetê polîsan ra hem zî hetê asayîşî ra yeno pawitene. Seba ke sucdar H.A. bêro xelisnayene îfade bi nê hawayî ame amadekerdene. Ma bira veradayîşê sucdarî red kenê. Na bêhuqûqî ya.''

Coşocakî venga baroyan, çapemenîye û dezgehanê heqanê merdiman da ke tewrê dewa bibê û vat: "Seba ke no suc bêceza nêmano û nê sucdarî cografyaya ma de bi hawayêkê rehetî nêgêrê destê ma ra çi yeno ma do bikêrê. Coşocakî da zanayene ke ê do vera bira veradayîşê sucdar H.A.yî îtîraz bikê.