Bi wesîleya serrgêra 45. ya ronîyayîşê PKKyî binê Koyê Qendîlî û Şingal de aktîvîteyî ameyî kerdene.

Şingal de endam û îdarekaranê TAJÊ û Torra Hetkarîye ya Cinîyan ê Êzidîyan darî ramitî. Aktîvîte de qala girîngîya ronîyayîşê PKKyî ameye kerdene. Endama TAJÊ Nefîya Mêşo Rojnewsî rê qisey kerd û vat: ''Verê cû koyanê ma de darî birîyayêne. La ewro koyan de ma bi azadî leyan nanê ro.''

Şaredarîya Binarê Qendîlî zî bi wesîleya serrgêra ronîyayîşê PKKyî eşkerayîyêke daye. Şaredarîye ra Ronahîye Rojhelat eşkerayîye wende û vat: ''PKKyî şarê kurdî çinbîyayîşî ra xelisna. Nê prosesî de bi nê hawayî xoverdayîş dîya destpêkerdene.''