Hemşaredarê Êlihî Songule Korkmaz û Mehmet Demîr 23ê adare de wezîfeyê xo ra ameybî girewtene û herinda înan de qeyûm amebi tayînkerdene. Wezîfeyo verên ê qeyûm pakkerdişê kurdkî bi.

Hemşaredaran Mehmet Demîrî û Songule Korkmaz vera bînayanê qaçaxan têkoşîn kerdêne û vatêne ke ê do çarenusê Êlihî qurbanê mutahîdan nêkerê. La qeyûm viraştişê bînayan ê qaçaxan newe ra dayî destpêkerdene. Hemşaredar Demîrî hesabê xo yê medyaya komelkî ser o vera rewşe nêrazîbîyayîşê xo mojna û vat: ''Qeyûmî û mutahîdan çita ser o pêkerd ke şewêke de dest pê viraştişê bînayan ê qaçaxa kerd?''

 Karanê verênan ê qeyûmî ra yew zî wedaritişê kurdkî bi. Qeyûmî rîpelê înternetî yê Şaredarîya Êlihî ra doneyê verênî û beşê ziwanan ra zî kurdkî dayî wedaritene.