Bi wesîleya rojbîyayîşê Rayberê Şarê Kurdî Abdullah Ocalanî  qezayanê  Cizîr, Hezex û Silopî yê Şirnexî de aktîvîteyê cîya-cîya ameyî viraştene.

Bexçeyê banê HDP’yî yê Cizîrî de  aktîvîteyêk ame viraştene. Pastaya ke bi renganê çeqer, sûr û hewzî ra ameye viraştene û sero ‘Rojbîyayîşê to pîroz bo‘ nuşte bi hetê parlamentera Şirnexî Nuran Îmîre û Mayanê Aşitî ra ameye birnayene. Îmire vat ke fikrê Ocalanî vernîya şaranî roşn kenê.

Rêxistina HDP’yî ya Silopî de zî pastaya rojbîyayîşê Ocalanî hetê Mayanê Aşitî ra ameye birnayene. Mayan bale ante grevê vêşanîye ser û waşt ke tecrîd wa cade bêro wedartene.

Rêxistina HDP’yî ya Hezexî de zî bi akîvîteyêk rojbîyayîşê Ocalanî ame pîrozkerdene. Qiseykerdişan de ame vatene ke wa 4’ê Nîsane bibo wesîleya aşitî û bi sloganan paştî dîyaye  xoverdayoxanê zîndanan û grevê vêşanîye.