Vera qirkerdişê Zaxoyî yo ke dewleta tirke dewa Perexî de vera şarî kerd, nêrazîbîyayîşî zêdîyenê. Kampa Multecîyan a Şehîd Rustem Cûdîyî (Mexmûr), Hewlêr û Silêmanî de Qirkerdiş ame şermezarkerdene.

Bêwar Unverî ke bi nameyê Meclîsê Şarî yê Mexmûrî qisey kerd keyeyanê kesanê ke ameyî qetilkerdene û şarê Iraqî rê serweşîye waşte û qirkerdiş şermerzar kerd.

Silêmanî de zî serkêşîya Partîya Komînîste  de çalakîye ameye kerdene. Çalakîye de pankart û afîşê ke hêrişê dewleta tirke yê vera Başûrê Kurdîstanî şermezar kenê ameyî akerdene. Mehmud Helaqî ke bi nameyê partîya xo qisey kerd dewleta tirke ya ke qirkerdiş kerd şermezar kerd û veng da hêzanê mîyanneteweyîyî ke wa vera dewleta tirke têbigêrê.

Hewlêr de ciwanê ke verê Kelaya Hewlêrî de ameyî têhet semedê kesanê ke ameyî qetilkerdene mûm tafînayî û bi sloganan hêrişê îşxalî yê dewleta tirke şermezar kerdî.

Yeno pawitene ke çalakîyê protestoyî ewro badê nimajê Îne bizêdîye. Medyaya dîjîtale de yeno vengdayene ke wa pêroyê Iraqî de çalakîye bêrê kerdene.