Merkezê Îrtîbatî û Çapemenîye yê QSDyî pare kerd ke vizêr şanî ra heta serê sibayî mabênê şerwananê Meclîsê Leşkerî yê Minbicî û cerganê SMOyî yê dewleta tirke de pêkewtişê giranî qewimîyayê.

QSDyî da zanayene ke nê pêkewtişanê giranan de 5 cergê SMOyî ameyê kiştene û 3 wesayîtî ameyê îmhakerdene.

QSDyî vat: ''Hêzanê ma çarçewa xopawitişê meşrûyî de cewabê hêrişan da û mewzî û baregehê cergan hedef kerdî. Dewleta tirke ya îşxalkere Pirdê Qereqoxazî, dormeyê pirdî û Meydanê Teyarayan ê Sirînî bi giranî dayî bombayan ver.

Herêma Zirganî de zî droneyê çekdarî noqtaya Hêzanê Asayîşê Zereyî kerde hedef. Tîya de 5 şerwanî şehîd bîyî û 4 şerwanî birîndar bîyî.''