Merkezê Îrtîbatî û Çapemenîye yê QSDyî bîlançoya şer û hêrişanê dewleta tirke ya 24 saetan eşkera kerde.

QSDyî vat: ''Dewleta tirke ya îşxalkere vera Rojawanê Kurdîstanî hêrişanê giranan kena û bi hedefkerdişê binawanîye, sivîlan û waranê sivîlan sûcanê vera merdimatîye kena.

Roja şemeyî serê sibayî ra heta nêmroje dormeyê Awbendê Tişrînî de dewa Xirbê Zemala dîyaye bombayan ver û dima çeteyan hêriş kerd. Şerwananê ma cewab da hêrişan, çeteyêk kişt, çeteyêk birîndar kerd.

Çeteyan noqtayêka hêzanê ma rê hêirş kerd la şerwananê ma bi xurtî xo ver da. Tîya de 3 çeteyî kişîyayî, tayê çeteyî birîndar bîyî û pêkewtişan heta şanî dewam kerd.

Wexto ke çeteyan cenazayê xo wedaritêne Yewinanê Şehîd Harunî 3 komê çeteyan û wesayîtêkê pîlapî kerdî hedef. Tîya de zî tay çeteyî kişîyayî û birîndar bîyî. La hûmara kişteyan nêameye qetîkerdene.

Yewinanê Şehîd Harûnî Girê SyriaTelî de tankêk û wesayîtêkê doçka kerdî hedef û di çeteyî birîndar bîyî.

Cepheyê Dêr Hafirî de çeteyan noqtayêke kerde hedef, hêriş de sivîlêk birîndar bi. Hêzanê ma cade cewab da hêrişî.''