Rayberîya Înîsîyatîfê Azadîya Şarî yê Ranya de semedo ke vera gerîlayan çeka kîmyewîye şuxilnena dewleta tirke bi rayraşîyayîşêkî ameye protestokerdene.

Rayraşîyayîşî ra dima nameyê înîsîyatîfî ser o Îdrîs Abdullahî eşkerayîye wende. Eşkerayîye de ame vatene ke dewleta tirke estbîyayîşê kurdan înkar kena û semedê qirkerdişê kurdan xîret kena. Abdullahî bale ante ser ke bi nê armancî dewleta tirke vera gerîlayan çeka kîmyewîye şuxilnena.

Dewamê eşkerayîye de venga Yewîya Ewropa, Neteweyanê Yewbîyayeyan û rêxistinanê mîyanneteweyîyan ame dayene ke vera nê sûcê merdimîye tewirêk bigêrê.