Şilîya peyêne ya varanî kewte serê namluya gerîla. Seke vatêne 'Wirze wextê şîyayîşî yo.' Gerîlayêka cinîye vat: ''Nê şilîyî seke vaê nê namerdan koyan ra biqerifnê.'' 

Ma gerîlayan ra xatir wazenê, verê ma de rayîrêko derg. Ma resenê dewa Şîlane. Dewa Şîlane bapesteya qezaya Batûfa ya Zaxoyî ya. Heftanînî ra perçeyêkê cenetî yo. 

Dadîyêka kokime xo rê baxçeyêke ramitbi la binê bombardumanê îşxalkeran de baxçeyê ci vêşayo. Mîyanê na keskîye de ma meyweyêka qije vînenê. Dadîye vana nameyê ci lobîk o û maneno fasulyayan. Ez hetê ci de nişena ro û vana ''To rê serd nîyo, tay varan varayo.''

A zî vana: ''Mi serê sibayî mangayî xo ditî. Teyarayî zî çin ê. Mi va ez xo rê tay meyweyan arê bida. Ma nê erdî de çi dî çi nêdî. Hîrê-çar firingan ra çîyêk nêbeno.''

Ez wazena fotografê ci bianca la a rîyê xo gêna. Eke PDK pê biheso do ceza bida ci. Vana: ''Tîya ra çend çerî berdî, kelemçe kerdî û berdî. Înan waştêne parçeyêkê erdê Kurdîstanî boye bikerê. Ti nêzanena çend çêrî tîya ra derbaz bîyî. PKK tîya de nêqedîya kênaya mi.''

Qala artêşa tirke ya îşxalkere kerdêne. Mîyanê kincanê ci de parçeyêkê asinî estbî. Vat: ''No parçeyê roketî yo, mi baxçe de dî. Ez do bimojna domananê xo. Wa bizanê ke bombayî erzîyayî tîya.''

Hîşê mi de hema zî şikirkerdişê dadî û gerîlayan esto. Kamî eşkenê na raştîye mîyan bikerê? Çira ma nê erdî ra hende hes kenê û pê azadîya ci bawer kenê?