Rayraşîyayîşo derg ê ciwanan roja hîrêyine de dewam keno

Seba azadîya Rayberê Şarê Kurdî Abdullah Ocalanî şaristanê Bonnî yê Almanya de ciwanan dest bi rayraşîyayîşêkê dergî kerd. Rayraşîyayîş roja xo ya hîrêyîne de dewam keno.

Rayraşîyayîşo derg  o ke 9‘ê Êlule de pê şîarê 'Rayberîye de reyde şore û faşîzm birijne' Bonn de ame destpêkerdene rixmê heme hêrişanê polîsan dewam keno.

Roja Sêşeme beşa Troîsfort-Kolnî de provokasyonê nîjadperestî ameybî kerdene û polîsan hêriş kerdbi. Nê hêrişî de 4 ciwanê çalakgerî ameybî destbendkerdene û barcî pê şartê ke beşdarê rayraşîyayîş nêbîyayîşî  serbest ameyî veradayene. Qedexeyanê polîsanê Almanan roja Çarşeme de zî dewam kerd. Polîsan ciwanan rê eşkera kerd ke sloganê sey ' Wa biciwîyo Serek Apo, wa biciwîyo Rayber Apo, wa biciwîyo Partîya Karkeran a Kurdistanî' qedexe yê. Rayraşîyayîşê ciwanan Kolnî ra ver bi Leverkusenî dewam keno. Yeno hesebnayene ke rayraşîyayîş 13‘ê Êlule de do biqedo.