Roza Nûjîna ke dewaya nêmcemende ya dadî û babîyê xo serra 2017î de girewte xo milî, ard ziwan ke bi şîretanê dadîya xo fikrê Ocalanî nas kerdî û nika zî cayanê ke înan tede têkoşîn kerd têkoşîn kena.

Roza serra 1995î de Serdeştî de dadîya xo ra bîye. Dadî û babîyê Roza zî Partîya Demokrate ra bîyî, pêşmerge bîyî. 

Roza ard ziwan ke dadîya ci aye rê fikrê Rayberê Şarê Kurdî Abdullah Ocalanî dayî şinasnayene û Roza qala şîretanê dadîya xo kerde:''Vatêne eke kurdî yew nêbê rêxistina xo nêkerê û wayîrê rayberêkê neteweyî nêbê şerî ra nêeşkenê netîce bigêrê. Dadîya mi bi taybetî qala perspektîfê Rayber Apoyî kerdêne. Mi zî Rayberîye meraq kerde. Seba ke ez azad biba û şarêxo azad bikera tewrê PKKyî bîya.''

Roza serra 2017î de tewrê gerîlayan bîye û hêverî Qendîl û Asos de wezîfe girewt. Roza cayanê ke dadî û babîyê ci bi serran tede têkoşîn kerdbi de têkoşîn kena, uca de bîye gerîla. Roza vat: ''Dadîya mi vatêne 'Eke ez bimira mi Asos de defin bikerê' Asosî ra hez kerdêne ke seba ci şer kerd. Wexto ke ez ameya Asos mi hîs kerd ke seba Kurdîstanî çend bedelî ameyê dayene. Mi vat seba azadîya Kurdîstanî ganî ez hewn û xeyalanê şarê xo bîyara ca. Ma zaf bişans ê. Çunke Rayberîya ma esta ke asta unîversale de şiroveyan kena û dersan dana î wayîrê ameyoxî ya.''