Hemşaredara Peyasî Kezibane Yilmaza ke wezîfeyê ci ame xespkerdene û ameye tepiştene roniştişê dewaya ci ya diyîne ewro Mehkemeya Cazaya Girane ya 39. ya Amedî de ame kerdene.

Hemsereka HDPyî ya Amedî Hulya Alokmen o bi desan avûkatî tewrê mehkeme bîyî.Yilmazê Zîndanê Bunyanî yê Kayserî ra bi sîstemê SEGBÎSî tewrê ci bîye. Mehkeme de ame waştene ke Yilmaze wa 15 serran bêro cezakerdene. Heyetê mehkeme qerarê dewamê tepiştişî da û roniştişo bîn 16ê adare rê pey de eşt.