Amed de tay keyeyan bi îdîaya ke domanê înan ''ameyî remnayene koyan'' 2ê çeleyî de verê bînaya Partîya Demokratîke ya Şaran (HDP) ya Amedî de dest pê çalakîya roniştişî kerdbi. 3 rojan ra dima 5ê êlule de keyeyê leşkeran û polîsanê ke hetê HPGyî ra domanê înan rehîn ameyî girewtene zî tewrê çalakîye bîyî.

Polîsanê AKPyî yê Kurdîstanî yê ke serebûtanê provaktîfan dima yê na reye zî mînîbusêka bi plakaya 20 L 0728 ya Denîzlî ya ke serê ci de ‘Hakkarî Kiran’, ‘Hedef Kizilelma’ û ‘Barış pinari harekati’ nuseno ardî verê bînaya Hemserekîya HDPyî ya Amedî. Ramitoxê na mînîbuse kalêko nêzdîyê 70 serre yo.

Balkêş o ke keyeyê ke verê bînaya HDPyî de çalakîya roniştişî kenê têna çend hebî mendî. Êyê ke mendî wayîrê profîlanê zaf eceban ê. Yeno vatene ke înan ra tay kesî hetê qeyûmî ra ameyî wezîfedarkerdene û tay kesî zî AKP ra her menge meaş gênê.