Gerîlayanê HPG û YJA Starî herêma Xakurkê ya Herêmanê Pawitişî yê Medya de Newroze bi coş û heyacanê pîlî pîroz kerd.

Şayîya ke binê varayîşê vewre de ameye kerdene bi merasîmê leşkerî dest pê kerd. Badê qiseykerdişanê ke derheqê manaya roje de ameyî kerdene gerîlayan dormeyê adirî de govende girewte.

Gerîlayan sere de Neroza Rayberê Şarê Kurdî Abdullah Ocalanî Newroza şarê kurdî pîroz kerd û vat: ''Serra Pancasine ya Newroze do biba serra azadîya fîzîkîye ya Rayber Apoyî. Adiro ke Kawayê Hemdemî Mazlûm Doganî vist ta do çirey hewna nêşiro û tim zafêr gur bibi. Têkoşîno sey tekêşonê ke Kawayê Asinkarî vera Dehaqê zalimî da, ewro Kurdîstan de gerîlayê azadîye danê.''

Gerîlayan veng da şarê kurdî ke wa wayîrê têkoşînê gerîlayan vejîye û vat: ''Ewro Dehaqo zalim îqtîdarê AKP-MHPyî yo.  Têkoşîno ke serkêşîya Kawayê Asinkarî de ame dayene Dehaq qedîna. Ewro zî têkoşînê Kawayanê hemdemîyan rêjîmê AKP-MHPyî do birijno. Serra 2022î do biba serra serkewtişê kurdan.''