PKK bi xurtî tesîrê Rojhelatê Mîyanênî keno û roje bi roje tewrbîyayîşê PKKyî beno zêdêr.Têna şarê kurdî ney, pêro neteweyî û dînî zî tewrê têkoşînê PKKyî benê. Egîd Reqa gerîlayêkê PKKyî yo û armancê tewrbîyayîşê xo wina îfade keno: ''Mîyanê PKKyî de pêro şarî û neteweyî estê. Bê cîyatîye û ferqî pêro merdimî, merdimê bindestî yenê pawitene. No zî çîyêko zaf manadar o.''

Egîd Reqa vano: ''Ez 18 serre ya, serra 2018î de tewrê PKKyî biba. Teda û zulmê dişmenan ê vera şarê ma kerd ke ez tewrê PKKyî biba. Wezîfeyê pêro merdiman o ke şarê xo bipawê. Mi serra 2016î de PKK nas kerd. Mi mîyanê PKKyî de embazîye dîye. Mîyanê PKKyî de embazîyêka xurte esta.

Serekatîye têgêrayîşêko winasên awan kerd ke kurdî, erebî, sûryanî û armenîyî tewrê ci benê. Ez do heta hêla xo ya peyêne şer bikera û nêverda ke dişmenî erdê ma bigêrê. Kesê ke tewrê PKKyî benê qet poşman nêbenê. Şorişê Rojawanî zaf tesîrê mi kerd. Ganî pêro şarê bindestî û parçeyê Kurdîstanî tewrê PKKyî bibê. Dawaya Serekatîye her cayê dinya de vila bena. Ez venga her kesî dana ke abigêro raştîya xo ser û seba azadîye têkoşîn bikero.''